Matthew 27:52 - Lubuagan Kalinga

⁵² Ot liwalit cha loblobon ked palos cha ummuli latagu un tagun Apudyus.

Matthew 27:52 ပူးပေါင်းရင်းမြစ်များ

John 11:11

Imbyegan pun Jesus chi hachi, inyutupla kalan un, “Lasusuyop chi biɏun takuʼn Lazarus ngim inyak byangolon siya.”

Acts 7:60

Ot lampalintuming ot illipkawla, un kalala, “Apu, achim otyan ipabyasuɏ kan chicha chi allaʼn kingwacha kan sakon.” Lagamputla pun imbyega hachi, latoy.

1 Corinthians 11:30

Ked hachi gapu un achu cha lasakit ya lakapsut kan chikayu ya siya bo latoyan cha uchum.

1 Corinthians 15:20

Ngim ha katuttuwaan, tuttuwaʼn ummuli latagu si Kristu, ked siya kaulaan un ummuli latagu ked hachi maluttuwaan un kasin Apudyus taguwon cha losan un latoy.

1 Corinthians 15:51

Ked chongɏonyu allaʼn katuttuwaan un achipun lipatigammu si tagu inggala si sala. Ti chitakuʼn mamati, awed cha uchum kan chitaku un chaampun matoy. Ked lu mipaginga tangguyub Apudyus si alungus cha losan, hachi mapasantan cha long-eg taku, ked siya timpuʼn umuli matagu cha lamati un langkakatoy ked achipuncha kasin matoy si ing-inggala. Ked chitaku boʼn matattagu mapasantan cha long-eg taku. Ked losan takuʼn mamati, mapasantan cha long-eg taku si baruʼn long-eg.

1 Thessalonians 4:14

Mamati taku un latoy si Jesus ya kasin latagu, ked hachi gapun chi mamatiyan taku un kasin Apudyus taguwon cha losan un latoy un lamati kan Jesus ked ipaiyawit Apudyus chicha kan Jesus si umaliyala kasin.

1 Thessalonians 5:10

Latoy si Jesus para kan chitaku ta makwaʼn makatagu taku kan siya, ulay lu langkakatoy taku willu sissiyaʼn matattagu taku si umaliyala.