Matthew 26:74 - Lubuagan Kalinga

⁷⁴ Ot insapatala kalan un, “Ulay chusaolak kan Apudyus lu achi tuttuwa imbyegak. Lappun ammuk si taguʼn halat.” Ot kakma lalullakuk chi kawitan.

Matthew 26:74 ပူးပေါင်းရင်းမြစ်များ

Matthew 10:28

Achi kayu umogyat kan cha mangtoy kan chikayu, ti abus chi long-egyu si otoyoncha, achipuncha makaotoy si kalichodwayu. Ngim abus si Apudyus si umogyatanyu ti makwaʼn yam-alola long-eg ya kalichodwa ud impiyeɏlu.

Matthew 26:34

Ngim kalan Jesus kan Peter, “Tuttuwa ibyegak kan sika, si salaʼn labi sakbyey un malullakuk chi kawitan, pilitlum sakon piluklitan.”

Matthew 26:73

Ummooli pun, ummoy kan siya cha summisiked ot kalancha, “Sigulachuʼn sika osa kan chicha, ti milasinmi ayuglu.”

Matthew 26:75

Ot simsimmok Peter imbyegan Jesus kan siya, “Sakbyey un malullakuk chi kawitan, pilitlum sakon piluklitan.” Ot kakma ummoyon si Peter ot lan-ibi-ibin si amod.

Matthew 27:25

Ot summongbyat cha tagu, “Mangamung kami gey ya cha galakmi si supapak chi matoyala!”

Mark 14:30

Kalan Jesus kan siya, “Tuttuwa allaʼn ibyegak kan sika, si salaʼn labi, sakbyey un mamidwa malullakuk chi kawitan, pilitlum sakon piluklitan.”

Mark 14:68

Ngim piluklitala un kalala, “Lappun ammuk si halat ya chakpun maawatan chi ibyegbyegam.” Ot ummoy si liwangan chi paway. Si hachi, lalullakuk chi kawitan.

Luke 22:60

Ngim kalan bo Peter, “Lappun ammuk si ug-ugguchom!” Ot si man-ugu-uguchen Peter, lalullakuk chi kawitan.

John 18:27

Ngim kasin Peter piluklitan, ot kakma lalullakuk chi kawitan.

Romans 9:3

Gapu kan cha kailiyak ya kachaɏaak un Judio, lu makwa otyan, ulay sakon chi maisila kan Kristu ya machusa kan Apudyus ta chicha matagu.

1 Corinthians 16:22

Lu silu achipun mangayat kan Apu takuʼn Jesu Kristu, kapilitan un machusacha kan Apudyus. Sapay otyan ta chakampun un mabyeyeg ked mangulin si Apu takuʼn Jesu Kristu!

Revelation 3:19

“ ‘Losan un taguʼn ay-ayatok, om-omɏak ya saplitak ta matudtuchuwancha. Ked sosomkonyu allayaʼn itudtuchuk ta ibyabyawiyu cha byasuɏyu.