Matthew 26:52 - Lubuagan Kalinga

⁵² Ot kalan Jesus kan siya, “Ibɏoylu pachinlu, ti cha losan un mangus-useɏ si pachin ked matoy bo si pachin.

Matthew 26:52 ပူးပေါင်းရင်းမြစ်များ

Matthew 5:39

Ngim ibyegak kan chikayu, achiyu ibyaɏos cha lawwing un kingwan chi asintataguyu kan chikayu. Lu awed malipak si machuwalan un apinglu, itayam bo machuwigin apinglu.

Romans 12:19

Susulud, ulay silu kooncha kan chikayu, achi kayu bumaɏos ngim ipiyeɏyu kan Apudyus ta siya bumaɏos. Ti liigili si ugudla un kalala, “Sakon chi simbiyang si byaɏos, sakon si Apudyus un mangibyaɏos.”

1 Thessalonians 5:15

Lu awed mangwa si lawwing kan chikayu, achi kayu bumaɏos ngim pasigyu bibiɏuwon cha koonyu kan cha biɏunyu ya cha losan un tagu.

1 Peter 3:9

Lu awed mangwa si lawwing kan chikayu, achiyu subyalitan si lawwing. Lu awed man-ugud si lawwing, achiyu bo songbyatan si lawwing. Ngim ha koonyu iluwaluyu ta binchisyulan Apudyus chicha ti hachi langayagen Apudyus kan chikayu, taplu makatawid kayu si binchisyun.

Revelation 13:10

Cha taguʼn singgasat un mabyaɏud, mabyaɏudcha! Ked cha singgasat un mapatoy si sabli, mapatoycha bo si sabli! Ked chitakuʼn tagun Apudyus, masapuɏʼn pakoscheɏon taku pammati taku ya alu-alusan taku cha losan un makwa kan chitaku.

Revelation 16:6

Ti pilatoycha cha tagum ya cha propetam un isun chi insuyatcha chaɏacha. Ked hachi mangipailumam kan chicha si chaɏa ta subyalit cha killingwacha!”