Matthew 26:5 - Lubuagan Kalinga

⁵ Ngim kalancha, “Achipun taku iyaspuɏ si piyasta, langked lu manggulu cha tagu.”

Matthew 26:5 ပူးပေါင်းရင်းမြစ်များ

Matthew 14:5

Pion Herod un ipaotoy si John, ngim umogyat kan cha tagu ti imbilangcha un propeta siya.

Matthew 21:26

Ngim lu kalan takuʼn, ‘Leɏpud chi tagu,’ Umogyat kami lu hilu koon cha tagu, ti mamaticha losan un propetan Apudyus si John.”

Matthew 27:24

Ot intullong pun Pilate un lappun makwala, ngim lugiyanchaʼn manggulu, langaɏa si chelum ot lambiɏu si sangwalan cha amod un tagu ot kalala, “Lappun biyangku si mangtoyanyu si taguʼn alla. Kiged kayu gey!”

Mark 14:12

Si chamun eɏgew chi piyastan chi Tilapay un achipun lakamsan si yeast, ked ichatuncha ayyubun chi keɏlilu para si Piyastaʼn Lallausan. Kalan cha disipulusla kan siya, “Udma piom un ingkami mangisagalaan si mangalan taku si Piyastaʼn Lallausan?”

Mark 14:2

Kalancha, “Achipun taku iyaspuɏ koon si timpun chi piyasta, langked lu manggulu cha tagu.”

Mark 14:27

Ot kalan Jesus kan chicha, “Losan kayu umikas ked telanyu sakon ti siya liigili si ugud Apudyus un kalala, ‘Patoyok chi mangay-ayyuwan ked umikas mansilasila cha keɏlilu.’

Luke 20:6

Ngim lu kalan takuʼn, ‘Leɏpud chi tagu,’ bintukon chitaku kan cha taguʼn alla, ti mamati cha losan un propetan Apudyus si John.”

Luke 22:7

Laeɏgewan ked, gummatong chi eɏgew un piyastan mangalan cha Judio si tilapay un lappun yeastla. Siya bo mampeɏtiyancha si ayyubun chi keɏlilu un maichatun si Piyastaʼn Lallausan.

John 18:28

Gilamputcha pun silumeɏya si Jesus ud uwan cha Caiaphas, allaʼn mabigat. Ot illiyoy cha papangat cha Judio siya si byeɏoy Gubillachuɏ Pilate. Ngim achipun cha Judio lilumlok, ti libilangchaʼn lachimokcha lu lumlokcha si byeɏoy chi osaʼn Gentil. Ked achipun makwa un makakancha si Piyastan Lallausan.

Acts 19:29

Achipun labyeyeg lagulu cha losan un umili ot sintotodchakchaʼn ummoy si palasa ot chilokmaancha cha Gaius kan Aristarchus un kadwan Paul un iMacedonia.

Acts 21:38

Kalak pun lu sika hachiʼn iyEgypt un langgulu si gubillu si sin-eɏgew. Siya langipangpangu si opat libuʼn lelleɏakiʼn kapapatoy si lugeɏ un lappun ummili.”

Acts 4:28

Lakwa losan un killingwacha mipagapu si kilabyelinlu ya ingkodchonglu si awi un makwa.