Matthew 26:41 - Lubuagan Kalinga

⁴¹ Achi kayu masusuyop ngim malluwalu kayu ta achi kayu masulisug un makabyasuɏ. Lakasagala Ispiritu ngim lakapsut chi long-eg.”

Matthew 26:41 ပူးပေါင်းရင်းမြစ်များ

Matthew 24:42

Ked sasaggalaonyu, ti achipunyu ammu lu himma eɏgew un umaliyan chi Apuyu.

Matthew 25:13

Ot inyalungus Jesus kalan, “Masapuɏʼn makasagala kayu kalayun, ti achipunyu ammu eɏgew willu uras un umaliyak.”

Matthew 26:38

Ot kalala kan chicha, “Amod chi sigeb chi somsomokku un isun chi siya ikatoyku. Inggew kayu utla ta byentayanyu sakon.”

Matthew 6:13

Ya achim ipalubus un masulisug kami ta achi kami makabyasuɏ, ngim ilisim chikami si lawwing.’ ”

Mark 14:38

Achi kayu masusuyop ngim malluwalu kayu ta achi kayu masulisug. Ti ha somsomokyu ked ustu ngim lakapsut chi long-egyu.”

Luke 11:4

Ya pakawalom cha byasbyasuɏmi, ta pakawalonmi bo cha lakabyasuɏ kan chikami. Ya achim ipalubus un masulisug kami.’ ”

Luke 21:36

Ammanyu tanchaalan ya pasigyu ilulluwalu kan Apudyus ta pakoscheɏola somsomokyu ta maalusanyu cha losan un makwa, ya bibiɏu sumanguwanyu kan Sakon un Alak chi Tagu.”

Luke 22:40

Gummatongcha pun, kalan Jesus kan chicha, “Malluwalu kayu ta achi kayu masulisug.”

Luke 22:46

Kalala kan chicha, “Pakayuggey lasusuyop? Bumangon kayu ya malluwalu kayu ta achi kayu masulisug.”

Luke 8:13

Cha bukeɏ un liweɏsi si kabyetbyetuwan, chicha cha taguʼn lanchongeɏ si ugud Apudyus ot latetteɏokcha un langawat. Ngim achipun lummamut chi ugud Apudyus si somsomokcha ti sin-akitan chi lamatiyancha. Chillumtong pun chi masuklutancha, inyageycha.

Romans 8:3

Killingwan Apudyus chi achipun chi lintog kabyeeɏan gapu ta achipun chi tagu makatungpeɏ si lintog gapu si kilakapsut chi long-eg takuʼn tagu. Imbuunla mismuʼn Alakla un mambyalin isu takuʼn tagu un malagbyasuɏ ta siya machusa para kan cha byasuɏ taku taplu kaalon Apudyus chi kilabyelin chi byasuɏ un mangituray kan chitaku.

1 Corinthians 10:13

Ked maawatanyu otyan un losan un masulisugen makabyasuɏan, gagangayla un mipachas cha losan un tagu. Ngim mantegochen si Apudyus, ked ingkarilaʼn achipunla ipalubus un masulisug taku si achipun taku makaya. Lu masulisug taku, siya mangidchela si kilakoscheɏ taku un mangiyattom ta awed in-ilon taku un mangilisi si sallut Satalas.

1 Corinthians 16:13

Susulud, man-an-alled kayu ya ipapatiyu pammatiyu. Achi kayu otyan mabiin si pammatiyu ngim ipailayu kilatuledyu.

1 Corinthians 9:27

Ked ha kook bo, iyaattomku cha pion chi long-egku ti chakampun un hachi cha potgok, ta lu mambyegbyegaak kan cha uchum si mataguwancha, achipulak miwalin.

Galatians 5:24

Losan un tagun Jesu Kristu, illissancha lawwing un pion chi long-eg ti isun chi lipaticha liilansa si lilansaan Jesus si krus.

Ephesians 6:18

Masapuɏʼn malluwaluwalu kayu kan Apudyus ya ichawatyu si losan un timpu ta ichaɏan chikayu si Ispiritu. Ked achipunyu bo maliwatan un manchawat si tuɏung Apudyus para kan cha losan un tagula, ngim allechenyu ya ipupuutyu mangiluwaluwalu para kan chicha.

1 Peter 4:7

Allà akit chi alungus cha losan ked masapuɏʼn mansomsomok kayuʼn ustu ya tingngeɏonyu long-egyu ta lappun malaktak si malluwaluwanyu.

1 Peter 5:8

Mansasaggala kayu otyan ya man-alled kayu. Malliklikwos si Satalas un kabusuɏyu, un isun chi lakupeɏn layun un mansingisingit si kalola.

2 Peter 2:9

Ked ammun Apudyus chi in-ilolaʼn maleɏaklib kan cha mamati un mapaligatan, ya ammula boʼn byentayan cha taguʼn achipun mamati inggala si umaliʼn eɏgew un manguisala ta machusacha,

Revelation 16:15

Ha lugeɏ un langumungan cha hachiʼn aɏan kan cha kaari-ari, hachi kalanchaʼn Armageddon si Hinebrew un ugud. Ked hachi mangibyeg-an Jesu Kristu un kalala, “Tatanchaalanyu allayaʼn ibyegak, ti lappun mapuutanyu si mangulilak ti isun chi mangkokopyan chi man-aakaw un achipun maammuwan ked magalatong! Ked pian chi taguʼn lakasagala un manguuway kan sakon, un isun cha lansisillup ya achipun lasuyop, ti achipun maochesan ya lumawa un mampatpatiwayway un siya mabibìilala.”

Revelation 3:10

Ked gapu ta tiluttuwayu hachiʼn imbyegak un alusanyu ligat, seɏaklibyek chikayu si amod un ligat un mapachasan cha losan un taguʼn achipun mamati utla pita ta mangitullongan si kilatatagun cha losan un tagu.