Matthew 26:18 - Lubuagan Kalinga

¹⁸ Ot summongbyat si Jesus, “Ingkayu si osaʼn tagu un awed si siudad ked ibyegayu kan siya, ‘Kalan chi Mistulu, chanchali timpula ked ud byeɏoyyu mangalanmi si Piyastan chi Lallausan.’ ”

Matthew 26:18 ပူးပေါင်းရင်းမြစ်များ

Matthew 21:3

Ked lu awed mangimus, ibyegayu kan siya, ‘Masapuɏʼn chi Apumi chicha,’ ked kakmala ipalubus chicha.”

Matthew 23:10

Achiyu bo ipalubus un maawagen kayuʼn, ‘Apu,’ ti si Kristu abus chi Apuyu.

Matthew 23:8

“Ngim chikayu, achiyu ipalubus un awagencha chikayu un ‘Mistulu,’ ti man-iisu kayu un mansusulud ked ossaan abus chi mistuluyu.

Matthew 26:19

Tiluttuwan cha disipulus chi imbyegan Jesus ot ummoycha insagala mangalancha si kakan chi Piyastaʼn Lallausan.

Matthew 26:2

“Agammuyu un awed chuwaʼn eɏgew sakbyey un Piyastaʼn Lallausan, ked Sakon un Alak chi Tagu, mipuɏangak ta mailansaak si krus.”

Matthew 26:49

Ot kakma kummatam si Judas kan Jesus ot kalala, “Apu, kumustaka!” Ot kilikisla.

Mark 5:35

Si hachiʼn man-ugu-uguchen Jesus, gummatong cha uchum un bubùulon Jairus un lampeɏpuʼd uwacha. Kalancha kan Jairus, “Latoy chi alaklu, ked patakuggey taktakon chi mistulu?”

Luke 22:53

Ileɏgew un awechak kan chikayu si templo ot achipulak chilokmaan. Ngim sala timpun chi manturayan chi lawwing, siya mipalubusanyu un mangwa si pionyuʼn koon.”

John 11:28

Imbyegan ked Martha hachi, ummoy ud uwacha ot ilayagela si Mary un suludla ot inyaggakawla kalan, “Allat chi Mistulu ked impaayeg chika.”

John 12:23

Kalan Jesus kan chicha, “Gummatong chi timpu un michayawan chi Alak chi Tagu.

John 13:1

Si eɏgew sakbyey un Piyastan chi Lallausan, ammun Jesus un chilumtong chi timpuʼn malelala si lubung ked mangulin kan Amala. Lalipud si chamchamu, ilay-ayatla cha tagula utla lubung. Ked si sala impappailala ayatla kan chicha inggala si alungus chi eɏgew.

John 17:1

Gilamput pun Jesus ilugud chi laoy, lantanged ud langit ot kalala, “Ama, chillumtong chi timpu. Pachayawam sakon un Alaklu taplu pachayawak bo sikaʼn Amak.

John 20:16

Oli pun imbyegan Jesus kan siya, “Mary!” Ot lasalagung kan Jesus ot kalala si Hinebrew, “Rabboni!” (Piolaʼn ibyega mistulu).

John 7:30

Gapu si imbyegala, pilanggop cha papangat un chokmaan siya, ngim lappun kabyeeɏancha ti chaampun chumtong chi timpula.

John 7:6

Ot kalan Jesus kan chicha, “Chaampun chumtong chi ustuʼn timpu. Ngim chikayu, timpula losan un timpu.

John 7:8

Chikayu umoy makapiyasta. Achipulak umoy makapiyasta, ti chaampun gumatong chi timpuk.”