Matthew 26:10 - Lubuagan Kalinga

¹⁰ Ngim ammun Jesus chi ug-ugguchoncha ot kalalaʼn, “Payuggey chillawon chi byebyaiʼn alla? Bibiɏu mit chi killingwala kan sakon.

Matthew 26:10 ပူးပေါင်းရင်းမြစ်များ

Matthew 26:11

Lu mipanggop si tuɏungyu kan cha kakapus, pasigcha awed kan chikayu. Ngim lu sakon, chakampun si iinggewak kan chikayu.

Matthew 26:9

Ingngilala otyan si chakeɏn gated ked illidchola kan cha kakapus!”

Mark 14:6

Ngim kalan Jesus, “Achiyu biyangan siya! Payuggey chillawon chi byebyaiʼn alla? Bibiɏu mit chi killingwala kan sakon.

Luke 8:49

Si hachiʼn mangibyegbyeg-an Jesus, gummatong chi osaʼn bubùulon Jairus un lampeɏpuʼd uwacha, kalala kan Jairus, “Latoy chi alaklu, ked patakuggey taktakon chi mistulu.”

2 Corinthians 9:8

Ya kabyeeɏan Apudyus un idchon cha losan un masapuɏyu ked masasaweɏ, taplu pappasig umalay un useɏonyu si allaʼn matattaguwanyu ya awed achu si ituɏungyu kan cha mangwa si bibiɏu.

Galatians 1:7

Ngim ha katuttuwaan, lappun uchum si bibiɏuʼn chameg un mataguwanyu lu achi abus cha intudtuchumi. Ngim awed cha uchum utlat un manyam-an si somsomokyu un ipappachascha sukatan chi bibiɏuʼn chameg mipanggop kan Jesu Kristu.

Galatians 5:12

Ha piok, cha hachiʼn mangan-allilaw si somsomokyu mipanggop si sogyat, telancha otyan chikayu.

Galatians 6:17

Ked malipud si sala, lappun otyan maalibunguwan chi somsomokku mipanggop si allaʼn itudtuchuk. Ti impapatik un langwa si pion Apu Jesus un simmusassu kan sakon. Ked lapillapillatan chi long-egku un main-an cha kilatuttuwaala.

Ephesians 2:10

Ti si Apudyus chi langwa si litimpuyugen taku kan Jesu Kristu. Ya pilabiɏula bo biyeg taku ta makakwa taku si bibiɏuwola, un siya gagaɏalaʼn langwaan kan chitaku ya simsimmokla un siya otyan chi koon taku.

Colossians 1:10

Ti lu katchi, matagu kayu un makaay-ayu kan Apu Jesu ya ipupuutyu un mangwa si mas-omala, ked mamunga kayu si mangkalakalasi un bibiɏuʼn koonyu ya machogchog-an cha ammuyu mipanggop kan Apudyus.

1 Timothy 3:1

Tuttuwa cha allaʼn ug-uggud: Lu pion chi tagu un siya osaʼn mangipangpangu kan cha mamati, bibiɏu ya lapotog un kawachi piola.

1 Timothy 5:10

Masapuɏʼn laammuwan cha losan un bibiɏu killingwala, un isun cha in-ilolaʼn lamachakeɏ kan cha aalakla, malagmangilicha ya lapakumbyabyachaʼn lansimbi kan cha mamati, tiluɏungancha cha manligligat ya impapatilaʼn langwa si bibiɏu.

2 Timothy 2:21

Siya bo si tagu, lu chuɏsala long-egla si lawwing, lapotog chi manguseɏan Apudyus kan siya, lichatun ya lakasagala un mansimbi si losan un panggop Apudyus.

Titus 1:16

Kalanchaʼn ammucha kalu si Apudyus, ngim achipuncha matakcheɏan siya gapu si pin-acha koon. Kasusuklacha, lappun potgoncha ya lappun pulus kabyeeɏancha un mangwa si bibiɏu.

Titus 2:14

Inchuyala long-egla para kan chitaku ta wayawayaala chitaku si losan un kilalawwing ya peɏkasola chitaku un mantagula ta pasig bibiɏu cha koon taku.

Titus 3:1

Ipasomsomoklu kan cha mamati utlat ta potgoncha cha papangat ya cha manturay, ya tuttuwaoncha chicha ya masapuɏʼn pasigcha lakasagala un mangwa si bibiɏu.

Titus 3:14

Tudtuchuwam cha biɏun taku ta kooncha bibiɏu ta makatuɏungcha kan cha makasapuɏ si tuɏung, taplu awed bibiɏuʼn ibungan chi matattaguwancha.

Titus 3:8

Tuttuwa cha allaʼn imbyegak kan chikayu. Piok un ipatutlu ibyega cha alla, taplu cha lamati kan Apudyus ammancha ileɏam un mangwa kan cha bibiɏu si losan un timpu. Liya cha gettok ya alla magaleb cha tagu.

Hebrews 13:21

Sapay otyan ta idchola bibiɏu losan un masapuɏyu ta koonyu piola ya koola kan chitaku chi makaay-ayu kan siya, gapu kan Jesu Kristu. Siya chaychayawon taku si Kristu si ing-inggala. Amen.

1 Peter 2:12

Ya ammanyu leman cha koonyu kan cha Gentil. Ulay lu awed ipabyasuɏcha si lawwing kan chikayu, lu mimìilaʼn bibiɏu cha pin-ayu koon ked chaychayawoncha si Apudyus si eɏgew un umaliyala.