Matthew 24:7 - Lubuagan Kalinga

⁷ Ti manggugubyat cha nasyun, ya manggugubyat bo cha iturayan cha ari. Ked lumoswa cha uɏat ya cha chita si cha kaili-ili.

Matthew 24:7 ပူးပေါင်းရင်းမြစ်များ

Luke 21:11

Lumoswa amod un chita, uɏat ya pisti kan cha kaili-ili. Ked awed bo kaog-ogyat ya lakaskaschaaw un sinyeɏ un mampeɏpuʼd langit.

Acts 11:28

Ha osa kan chicha mangngachen Agabus. Summiked siya ot gapu si kilabyelin chi Ispiritun Apudyus impadtula un umali amod un uɏat si achuʼn ili utla pita. (Ot latungpeɏ alla si timpun chi lanturayan Emperador Claudius.)

Acts 2:19

Si umaliʼn eɏgew awed cha ipailak ud langit un lakaskaschaaw. Ulay utla pita, ipailak cha sinyeɏ un chaɏa, apuy ya amod un asuk.

Hebrews 12:27

Ha ugud un mamingsan pay ked ipailala chi makaalan cha losan un killingwala un liyug-on, ta cha achipun miyug-on cha iinggew.

Revelation 6:12

Ilubyachen pun bod chi Keɏlilu mikalom un bobod. Chummita si amod, ya ngummitit chi ilit un isun chi kangititan un luput. Ya chummeɏaeg bo buɏan un isun chi kilacheɏaeg chi chaɏa.

Revelation 6:5

Ot ilubyachen pun bo chi hachiʼn Keɏlilu mikatluʼn bobod, chingngeɏk bo gingan chi mikatluʼn parsua un kalala, “Wilu!” Ot intullongku bo lummoswaʼn mangngitit un kabyayu, ked ha langakabbyayu, ilooglela kikilluwan.

Revelation 6:6

Ot chingngeɏk bo ginga un isun chi leɏpu si illinggewan cha opat un parsua, un kalala, “Mainggi allaʼn pita, ked ha ngilan chi singkiluʼn bilayu, paseɏn chi labbu si masin-eɏgew, ya siya bo isun chi ngilan chi tiɏuʼn kiluʼn gakaw. Ngim achipun ngumatu ngilan chi byeyas ya apɏus.”

Revelation 6:8

Ot intullongku boʼn lummoswa osaʼn kabyayu un ha chutchutla, kumukupas chi putilakla, ked ha ngachen chi langakabbyayu, Otoy. Ot litun-ud chi hachiʼn langachalan si Hades un inggewan cha latoy. Ot laidchencha si kalobbongan un mamatoy kan cha tagu si ingkapatla utla pita un ha makwaancha, mapatoy si gubyat cha uchum, ya matoy cha uchum si uɏat, ya matoy bo cha uchum si sakit, ya otoyon bo cha atap un ayam cha uchum.