Matthew 24:6 - Lubuagan Kalinga

⁶ Ked lu chongɏonyu cha manggugubyat ya chameg un langgugubyat si cha uchum un ili. Ngim achi kayu machalagen ti masapuɏʼn makwa cha laoy, ngim chaampun chi alungus chi lubung.

Matthew 24:6 ပူးပေါင်းရင်းမြစ်များ

Matthew 2:3

Chingngeɏn pun Ari Herod chi hachi, amod chi chalegla. Siya bo kan cha achuʼn taguʼd Jerusalem.

Matthew 24:14

Ked ha allaʼn Bibiɏuʼn Chameg mipanggop si Mampangatan Apudyus, mibyegbyega si losan un ilid chi lubung ta mangngeɏan cha tagu asiyot chumtong chi alungus chi timpu.”

Matthew 26:54

Ngim lu kook chi hachi, simma in-ilon chi liigiliʼn ugud Apudyus un matungpeɏ un kalalaʼn masapuɏʼn kamatla makwa?”

Luke 21:19

Ked ipapatiyu cha pammatiyu, ta matagu kayu kan Apudyus ing-inggala.”

Luke 21:9

Ked achi kayu umogyat lu chongɏonyu cha manggugubyat kan cha gilogongot. Ti masapuɏ un umun-ula makwa cha laoy, ngim chakampun un piolaʼn uguchon chanchali alungus chi lubung.”

Luke 22:37

Ti ibyegak kan chikayu un masapuɏʼn matungpeɏ kan sakon chi kalan chi liigilin ugud Apudyus, ‘Liibilang kan cha tulisan.’ Tuttuwaʼn chanchali katungpaɏan chi liigili mipanggop kan sakon.”

John 14:1

Oli pun kalan Jesus kan cha disipulusla, “Achi kayu machalagen ya malilibukan. Mamati kayu kan Apudyus, ya mamati kayu bo kan sakon.

John 14:27

“Telak kan chikayu chi mallin-awaan chi somsomokyu. Ked idchok kan chikayu lin-awa un mampeɏpu kan sakon. Chakampun un isun chi man-aatod cha tagu utla lubung chi man-aatodku kan chikayu. Achi kayu machalagen ya achi kayu malilibukan ya achi kayu umogyat.

2 Thessalonians 2:2

Achi kayu lalakan magalliwong ya achi kayu machalagen mipanggop si mangngeɏanyu un lagamput kalu lummaus chi eɏgew un mangulilan Apu Jesus. Ked ulay lu kalanchaʼn ha Ispiritun Apudyus kalu langipakaammu kan chicha, willu awed kalu langitudtuchu kan chicha, willu suɏatmi kalu langammuwancha si kamatchi, achiyu tuttuwaon!

Revelation 6:4

Ot lummoswa bo mancheɏaeg un kabyayu. Ked ha langakabbyayu, laidchen si chakeɏʼn sabli ya pallakabyelin un manyam-an si timpuyug cha tagu utla pita ta mampipillatoy cha tagu.