Matthew 24:3 - Lubuagan Kalinga

³ Lapalos pun, ummoy cha Jesus ud Bilig Olivo ot ummamuy siya. Ummoy cha disipulusla kan siya un lappun uchum ot ilimuscha kan siya, “Ibyegam u kan chikami lu kam-amman chi makwaan chi hachiʼn imbyegam, ked simma mangilasilanmi si umaliyam ya alungus chi lubung?”

Matthew 24:3 ပူးပေါင်းရင်းမြစ်များ

Matthew 13:36

Oli pun, tilelan Jesus cha amod un tagu ot lilumlok si byeɏoy ot ummoy cha disipulusla kan siya. Ot kalancha kan Jesus, “Ipakaawatlu u kan chikami pion chi pangngalig chi sabsabug un uguchon.”

Matthew 13:49

Katchi makwa si alungus chi lubung. Umali cha angheles ked isilacha cha mangkaɏawing un tagu kan cha bibiɏu un tagu.

Matthew 15:12

Oli pun ummoy cha disipulusla kan siya ot kalancha, “Ha achipunlu kamman ammu un lasaktan cha Pariseo si imbyegam?”

Matthew 16:27

Ti Sakon un Alak chi Tagu, mangulilak un mibiɏun cha aangheles ya ipailak chi kilachayaw Amak. Ked gunggulaak kacha tagu si cha losan un killingwala.

Matthew 16:28

Tuttuwa ibyegak kan chikayu, un awed cha uchum kan chikayu un sissiyan matattagu un mangitullong kan Sakon un Alak chi Tagu lu umaliyak manturay.”

Matthew 17:19

Ot lan-aggakaw cha disipulus Jesus ummoy kan siya ot ilimuscha, “Pakamiggey achipun makapeɏyaw si hachiʼn aɏan?”

Matthew 21:1

Alla pun un ummachali cha Jesus ud Jerusalem, lichuumcha ud Bethphage un ili si Bilig Olivo. Ot imbuun Jesus cha chuwaʼn disipulusla un kalala,

Matthew 24:27

Ti Sakon un Alak chi Tagu, umaliyak un isun chi kilat un sumlit si sumileɏan ilit inggalad chi mipisukala.

Matthew 24:30

Ked si hachiʼn timpu, lumoswa ud langit cha sinyeɏn chi umaliyan chi Alak chi Tagu. Ked sin-iibin cha losan un tagu utla pita lu mailacha Sakon un Alak chi Tagu si lap-at chi libuuʼd langit un umali un alla pallakabyelinku ya lumilalilang un kila-Apudyusku.

Matthew 24:37

Sakon un Alak chi Tagui, mangulilak utla pita un isun chi lakwa si timpun Noah.

Matthew 24:39

Ot lappun ammun cha tagu lu silu makwa inggalad gummatong chi litap ot laamincha laalud. Kamatchi bo makwa lu umali Alak chi Tagu.

Matthew 24:43

“Somsomkonyu alla, lu ammun chi simbyeɏoy chi uras un gumatngan chi man-aakaw lu labi, kapilitan un achipun masuyop ta achipun lumlok chi man-aakaw si byeɏoyla.

Matthew 28:20

Ya itudtuchuyu kan chicha ta tungpaɏoncha cha losan un imbilinku kan chikayu. Ked sosomkonyu un pasigak awed kan chikayu inggala alungus chi lubung.”

Luke 21:7

Ot ilimus cha disipulusla, “Mistulu, kam-amman chi makwaan cha alla? Ked simma mangilasilan un chumtong chi timpu un makwaan cha laoy?”

Acts 1:7

Summongbyat si Jesus kan chicha, “Lappun biyangyu un maligammu, ti abus si Amak chi alla kalobbongala un mangikodchong lu kam-amma makwaan chi piolaʼn makwa.

Hebrews 9:26

Ti lu katchi killingwala, ikasi-kasinla bò amin malligat malipud si lakwaan chi lubung. Ngim si alungus chi timpu lamingpingsan ummali taplu si mangichuyaala si long-egla un matoy, ked makwaʼn kaalola byasuy.