Matthew 23:4 - Lubuagan Kalinga

⁴ Ipappabukudcha si tagu amod chi chegsonlaʼn bukud ngim achipun cha tuɏungan chicha.

Matthew 23:4 ပူးပေါင်းရင်းမြစ်များ

Matthew 23:23

“Kadchegu kayu, chikayuʼn Pariseo ya mimistulun chi lintog. Aginpapati kayu! Ti mangtod kayu si ingkasimpuɏun cha mangeanyu un isun cha muɏan mampalamlaw si makan, ngim achipunyu tungpaɏon cha kapotogen un bilin si lintog un masapuɏʼn koonyu isun chi kilalintog, kilachegu ya kilamapiyeɏ. Masapuɏʼn koonyu cha laoy ked achiyu liwatan cha uchum.

Matthew 23:3

Ked kasapuɏan un tuttuwaonyu cha losan un itudtuchucha. Ngim achiyu koon cha kokòoncha ti achipuncha koon cha ibyegbyegacha.

Luke 11:46

Summongbyat si Jesus un kalala, “Kadchegu kayuʼn mimistulun chi lintog! Ipabukudyu manchegson kan cha tagu, ngim achipun kayù akit tumuɏung kan chicha.

Acts 15:10

Payuggey mangin-in-an si Apudyus? Puggey paligatan cha mamati si manchegson un achipun cha chachakkeɏ taku ya ulay chitakuʼn mismu achipun taku kabyeeɏan?

Acts 15:28

Ti lan-asiteulanmi ya ha Ispiritun Apudyus un achipunmi chikayu paligatan malaksig kan cha allaʼn masapuɏʼn koonyu.

Galatians 6:13

Ngim ha katuttuwaala, ulay cha hachiʼn lasogyatan, achipuncha tuttuwaon cha lintog! Pionchaʼn ipapattut chi kamatchi kan chikayu, ta awed isaysayawcha un potgonyu chicha.

1 John 5:3

Ti ha mangay-ayatan taku kan Apudyus, siya maluttuwaan taku kan cha bilinla. Ked cha bilinla, chakampun un mansigeb un tuttuwaon,

Revelation 2:24

“ ‘Ngim cha uchum kan chikayu utlat Thyatira, un achipun laluɏut si tudtuchun chi hachiʼn byebyai ya achipun langacheɏ kan cha kalanchaʼn lachaɏom un tudtuchun Satalas, ha ibyegak kan chikayu, achipunku chog-an cha ligatyu.