Matthew 22:16 - Lubuagan Kalinga

¹⁶ Ot lambuuncha kan cha disipuluscha un Pariseo ya uchum un tagun Herod ta umoycha ibyega kan Jesus, “Mistulu, ammumi un tuttuwa losan chi ibyegbyegam ya itudtuchum bo katuttuwaan mipanggop si pion Apudyus. Achipunka manchaleg lu simma ibyegan chi tagu ti achipunka mampili ulay silu kasasaedcha.

Matthew 22:16 ပူးပေါင်းရင်းမြစ်များ

Matthew 22:24

“Mistulu, imbyegan Moses un lu matoy chi leɏaki un lappun alakcha si asawala, masapuɏʼn asaw-on chi suludla hachiʼn labyaɏu ta umalakcha si mibilang un alak chi hachiʼn latoy un suludla.

Matthew 22:26

Ked isula bo un latoy siya, ulay bo mikatlu inggalad chi mikapitu.

Matthew 26:18

Ot summongbyat si Jesus, “Ingkayu si osaʼn tagu un awed si siudad ked ibyegayu kan siya, ‘Kalan chi Mistulu, chanchali timpula ked ud byeɏoyyu mangalanmi si Piyastan chi Lallausan.’ ”

Matthew 26:49

Ot kakma kummatam si Judas kan Jesus ot kalala, “Apu, kumustaka!” Ot kilikisla.

Mark 10:17

Si lummibbyatan cha Jesus un umoy manggaggakay, lalodchak chi osaʼn leɏaki un ummoy lampalintuming si sangwalanla ot ilimusla kan siya, “Bibiɏuʼn Mistulu, simma masapuɏʼn kook ta mataguwak kan Apudyus ing-inggala?”

Mark 12:13

Oli pun, imbuuncha cha uchum un Pariseo ya uchum un tagun Herod ti pionchaʼn lubuton siya si ibyegala.

Mark 12:14

Ummoycha kan siya ot kalancha, “Mistulu, ammumi un tuttuwa cha losan un ibyegam. Ammumi boʼn achipunlu laksigon chi tagu ulay silu kilasasaedla. Ngim siyad itudtuchum chi katuttuwaan mipanggop si pion Apudyus un koon cha tagu. Ked ibyegam u kan chikami lu suplingonmi lintog taku un Judio lu mambyayed kami si bugis si Emperador willu achipun?”

Mark 3:6

Lummawa cha Pariseo ot ummoycha kan cha tagun Herod ta tuɏagoncha in-ilonchaʼn mangtoy kan Jesus.

Mark 8:15

Bilegbyegaan Jesus chicha, “Man-alled kayu ya tanchaalanyu cha yeast cha Pariseo ya si Herod.”

Luke 20:21

Ummoycha kan Jesus ot kalancha, “Mistulu, ammumiʼn ustu-ustu cha pin-am ug-ugguchon ya itudtuchu. Ya ammumi boʼn lappun laksigom si tagu ya itudtuchum chi katuttuwaan mipanggop si pion Apudyus kan cha tagu.

Luke 7:40

Hachi ked gumminga si Jesus ot kalala si hachiʼn Pariseo, “Simon, awed chi ibyegak kan sika.” Kalan Simon, “O, simma ibyegam Apu?”

John 14:6

Ot kalan Jesus kan siya, “Sakon chi chaɏan, katuttuwaan ya biyeg. Lappun makaoy kan Ama lu achipun mangoy kan sakon.

John 18:37

Ot kalan Pilate kan siya, “Lu katlat, Arika bo amin lù?” Insongbyat Jesus, “Tuttuwa imbyegam. Ha panggopkuʼn ummali utla lubung un miyalak ked ipakaammuk chi katuttuwaan. Ked lu silu mangipotog si katuttuwaan, patiyola ibyegak.”

John 7:18

Ti ha taguʼn siyad uguchola lampeɏpu si uwalaʼn somsomok, siyad singsingtola michayawala. Ngim ha taguʼn siyad singtola michayawan chi langibuun kan siya, ked tuttuwa ibyegbyegala ya lappun tulila

2 Corinthians 2:17

Chakampun un isumi cha uchum un ha mangibyegbyeg-ancha si ugud Apudyus, isun chi laku un mangeancha si pilak. Ngim imbuun chikami kan Apudyus, ipapatimi un man-ugud si sangwalanla, un isun chi mansimbi kan Kristu.

2 Corinthians 4:2

Man-awichenmi cha losan un pin-an cha tagu koon un litataɏu ya kabibiin. Achipunmi sikapan cha tagu. Achipunmi suksukatan chi ugud Apudyus ngim ipakaawatmiʼn ustu katuttuwaan. Koonmi cha alla si sangwalan Apudyus ta ammuwon cha ulay siluʼn tagu, siyad ipalawegmi ibyega katuttuwaan, ked kapilitan un mailasin cha losan un tagu un bibiɏu ugalimi.

2 Corinthians 5:16

Ked si sala, achipunmi ibilang chi ulay siluʼn tagu si kilasasaedla utla pita. Ulay lu katchi bo killingwami kan Kristu si sin-eɏgew, achipunmi koon si sala.

Galatians 1:10

Ked himma mammammokanyu kan sakon lù? Ha somsomokyu lin un siyad singsingtok chi michayawak kan cha tagu un chakampun si michayawan Apudyus? Ta lu siyad gamgamak chi chayaw cha tagu, achipunku ituɏuy un mansimbi kan Jesus.

Galatians 2:6

Ngim cha allaʼn maibilang un langangatu un isun cha papangat taku, ulay silu cha man lappun mansabyaliyala kan sakon, ti lappun piliyan Apudyus si tagu ya lappun bod inchogacha si intudtuchuk. Ked ha mangibyeg-ak gapu ta isula un lappun sumabyaliyak kan chichaʼn papangat, ti chakampun un lapotog kan sakon chi kilasasaedcha, kan chakampun un kilasasaed chi mangibilangan Apudyus si tagu.

1 Thessalonians 2:4

Ngim pilaloklokan Apudyus un mantegochen kami un mangibyegbyega si bibiɏuʼn chameg, ked impiyeɏla un siya kawachiyonmi, ya siya ibyegbyegami. Chakampun un mas-oman cha tagu singtonmi, ngim ha mas-oman Apudyus un sin-ammu kan cha awed si somsomokmi.

James 3:17

Lu awed kan chitaku kilalaing un lampeɏpu kan Apudyus, ked mampeɏkas taku, pion taku mallin-awa, sumayakaw taku, malagteun taku, malagkachegu taku ya pasig bibiɏu koon taku kan cha asintatagu taku ya achipun taku mampili si tagu ya achipun taku mamappain-on.

1 John 5:20

Ya ammu taku bo un ummali Alak Apudyus utla pita ked lilawagela somsomok taku taplu ammuwon taku tuttuwaʼn Apudyus. Ked litimpuyug taku kan siya un tuttuwaʼn Apudyus ti litimpuyug taku si Alakla un si Jesu Kristu. Siya tuttuwaʼn Apudyus ya siya lampeɏpuwan chi biyeg un mallalayun.