Matthew 22:11 - Lubuagan Kalinga

¹¹ “Ngim ummoy pun chi Ari itullong cha laimbiteɏan, intullongla osaʼn taguʼn achipun lansilup si ustuʼn kawos chi makakaseɏ.

Matthew 22:11 ပူးပေါင်းရင်းမြစ်များ

Matthew 13:30

Intalu ta michisancha chumakeɏ inggalà man-aali. Asik ibyega kan cha man-ali un un-ulaoncha sagamsaman cha sabsabug ya postoncha asicha ot umoy soggon. Asicha ot aliyon chi pagoy ked imponponcha si aɏangku.’ ”

Matthew 22:10

Ot ummoy cha bubùulola si kekkesa ot lan-imbiteɏ kan cha losan un tagu, mangkabyaɏu ya mangkaɏawing, ot laplaplu mangkaseɏan si tagu.

Matthew 3:12

Ked lu umali siya ilasinla cha bibiɏu un tagu si cha lawwing un tagu, miyalig si mantopa un mansilaola bilayu ya chugi. Ha bilayu iteponla si aɏang ngim ha chugi ibyellula si apuy un achipun masobsobyen.”

Romans 13:14

Ngim ha koon taku otyan ked tuɏachon taku mangkokopyan Apu Jesu Kristu, ya achipun taku palubusan chi lawwing un pipion chi allaʼn long-eg taku.

Romans 3:22

Ti ha mangibilangan Apudyus si tagu un lalintog, ked gapu si pammaticha kan Jesu Kristu. Ti lappun laksigon Apudyus si tagu, Judio man willu Gentil.

1 Corinthians 4:5

Ked achi kayu manguis kan cha uchum inggala chumtong chi ustuʼn timpu. Ti siyad uuwayon taku mangulilan Apu takuʼn Jesu Kristu ta siya mangitokweɏ kan cha litataɏu un somsomok ya siya bo mangipakaammu si gegeɏaon chi somsomok. Ked hachi malayawan Apudyus si kacha osaʼn tagu insigun si tuttuwaʼn killingwala.

2 Corinthians 5:3

Ti lu masilupan taku, achipun chitaku ochesan un lanlulusay.

Galatians 3:27

Ked chitaku losan un mamati ya labunyagen gapu si lamatiyan taku kan Jesu Kristu, tuɏachon taku somsomokla ta siya mansosomsomok taku.

Ephesians 4:24

ked iggayu bibiɏuʼn biyegyu ti killingwa chikayu kan Apudyus un isula. Ti kamatchi isun Apudyus un mampeɏkas ya lappun kaamsiwala.

Revelation 16:15

Ha lugeɏ un langumungan cha hachiʼn aɏan kan cha kaari-ari, hachi kalanchaʼn Armageddon si Hinebrew un ugud. Ked hachi mangibyeg-an Jesu Kristu un kalala, “Tatanchaalanyu allayaʼn ibyegak, ti lappun mapuutanyu si mangulilak ti isun chi mangkokopyan chi man-aakaw un achipun maammuwan ked magalatong! Ked pian chi taguʼn lakasagala un manguuway kan sakon, un isun cha lansisillup ya achipun lasuyop, ti achipun maochesan ya lumawa un mampatpatiwayway un siya mabibìilala.”

Revelation 19:8

ti laatod kan siya baruʼn silup un mamputilak un lappun akit mansala.” (Ha miyaligen chi hachiʼn silup, cha bibiɏuʼn pin-an cha tagun Apudyus killingkingwa.)

Revelation 2:23

Ked otoyok bo cha maibilang un aalakcha un maluɏut kan siya ta awed mangagammuwan cha losan un mamati si kaili-ili un sakon ked ammuk cha losan un somsomok ya ha pion cha tagu. Ked idchok bo subyalit cha pin-an cha losan un tagu killingwa, bibiɏu willu lawwing.

Revelation 3:18

Ked ha ibyegak kan chikayu, sakon otyan chi mangeanyu si latan-in un byalituk un siya ustu-ustuʼn pammati, ti hachi isun chi tuttuwaʼn bumaklanganyu. Ya sakon bo mangeanyu si mamputilak un luput ta mansilupyu taplu makakaan chi mabiilanyuʼn mallalabus. Mangaɏa kayu bo kan sakon si agas ta maagasan chi kuɏapyu taplu makatullong kayu kasin.