Matthew 2:4 - Lubuagan Kalinga

⁴ Impaayegla cha ap-apun cha papachi ya cha mimistulun chi lintog ot ilimusla kan chicha lu udma miyalakan chi Kristu.

Matthew 2:4 ပူးပေါင်းရင်းမြစ်များ

Matthew 13:52

Ot kalala bo kan chicha, “Kacha mistulun chi lintog un mamati si itudtuchuk mipanggop si Mampangatan Apudyus, ked miyalig si simbyeɏoy un ammulaʼn mangitokweɏ ya manguseɏ si kukkuwala un baru ya chachaan si langichulilala.”

Matthew 2:3

Chingngeɏn pun Ari Herod chi hachi, amod chi chalegla. Siya bo kan cha achuʼn taguʼd Jerusalem.

Matthew 2:5

Ot summongbyatcha un kalancha, “Ud Bethlehem, un osaʼn ili un sakupon chi Judea ti siya inggilin cha propeta un kalala,

Matthew 21:15

Ngim intullong pun cha ap-apun cha papachi ya cha mimistulun chi lintog cha lakaskaschaaw un killingwan Jesus ya chingngeɏcha cha aalak un mangiyip-ipkaw si templo un kalancha, “Machaychayaw chi galak David!” Ot summangacha.

Matthew 21:23

Oli pun langulin si Jesus si templo. Si lantudtuchuwala, ummoy kan siya cha ap-apun cha papachi ya cha pallakayon cha Judio, ot kalancha kan siya, “Simma kalobbongam un mangwa kan cha laoy? Ya silu langatod si kalobbongam alla?”

Matthew 26:3

Si hachiʼn timpu, lachagup cha ap-apun cha papachi ya cha pallakayon cha Judio si byeɏoy Caiaphas un kangatuwan un pachi.

Matthew 26:47

Sissiyan man-ugu-ugud si Jesus ot gummatong si Judas un osa kan cha simpuɏu ya chuwaʼn disipulusla. Litun-ud kan siya cha achuʼn taguʼn mampapadchin ya mampapang-ok. Imbuun cha ap-apun cha papachi ya cha pallakayon cha Judio.

Matthew 27:1

Bigbigat pun, lantutuɏeg cha losan un ap-apun cha papachi ya cha pallakayon cha Judio lu silu in-ilonchaʼn mamatoy kan Jesus.

Matthew 7:29

Ti lantudtuchu kan chicha un kamad alla kalobbongala, chakampun un isun cha mimistulun chi lintog.

Mark 8:31

Ot lilugiyalan itudtuchu kan chicha un kalala, “Sakon un Alak chi Tagu ked masapuɏʼn achu mipachaskuʼn ligat. Lawwingoncha sakon cha pallakayon cha Judio, cha ap-apun cha papachi ya cha mimistulun chi lintog. Ked mapatoyak, ngim lu lumaus chi tiɏun eɏgew, umuliyak matagu.”

Luke 20:19

Si chingngeɏn cha mimistulun chi lintog ya cha ap-apun cha papachi, pionchaʼn chokmaan si Jesus si hachiʼn uras ti ammuchaʼn chicha imbyegbyegan Jesus. Ngim achipuncha kingwa ti umogyatcha kan cha tagu.

Luke 23:10

Cha ap-apun cha papachi ya mimistulun chi lintog, ilam-amod cha pilabyasuɏ si Jesus.

John 18:3

Ot impuyut Judas cha susuɏchachu ya uchum un guwechan chi Templo un imbuun cha papangat cha papachi ya cha Pariseo. Lan-eeɏmascha ya langiyawitcha kan cha pilatud.

John 3:10

Ot kalan Jesus kan siya, “Osaka un lanchilongeɏ un mistulu ud Israel, ngim achipunlu maawatan?

John 7:32

Chingngeɏn cha Pariseo un sin-aagasaas cha amod un tagu mipanggop kan Jesus. Ot lambuun cha ap-apun cha papachi ya cha Pariseo kan cha guwechan chi templo un malokma kan siya.

John 8:3

Ot inggetong cha mimistulun chi lintog ya cha Pariseo osaʼn byebyaiʼn inchesanchaʼn lakachegchegas ot pilasikedcha si sangwalancha losan.

Acts 23:9

Oli pun ngummoyacha. Ot cha uchum un Pariseo un mimistulun chi lintog, summikedchaʼn langipatut si kasomsomkancha, ot kalancha, “Lappun mit inchesanmi si byasuɏn chi taguʼn alla. Lakaug-uggud lin chi osaʼn ispiritu willu anghel kan siya.”

Acts 4:5

Labigat pun, lachagup cha papangat cha Judio, pallakayoncha ya mimistulun chi lintog ud Jerusalem.

Acts 6:12

Ot gilagaɏacha pasangaon cha achuʼn tagu, cha pallakayon ya mimistulun chi lintog kan Stephen. Ot ummoycha chilokmaan si Stephen ot illiyoycha impasangu kan cha kukunsiseɏ.