Matthew 2:22 - Lubuagan Kalinga

²² Ngim chingngeɏla pun un si Archelaus un alak Herod chi lanturay ud Judea, ummogyat un umoy udchi. Gapu ta lipain-ilop kan siya, ummoycha ud probinsiyan chi Galilee.

Matthew 2:22 ပူးပေါင်းရင်းမြစ်များ

Matthew 1:20

Si lalomsomsomkalad chi alla, kakma lampaila anghel Apudyus kan siya si in-ilop ot kalala, “Joseph, un galak Ari David, achika mangkossa un mangasawa kan Mary, ti halat un bugila ked mipagapu si kilabyelin chi Ispiritun Apudyus.

Matthew 2:1

Liyalak si Jesus si ili ud Bethlehem un sakupon Judea si timpun chi lanturayan Ari Herod. Inggew cha mangkalaing un langad-acheɏ si bituwon un lampeɏpu si ili un kapon chi sumileɏan ilit, gummatongcha ud Jerusalem un lakaim-imus,

Matthew 2:19

Latoy pun si Herod, kasin lampaila anghel Apudyus kan Joseph si in-ilop ud Egypt ot imbyegala kan siya,

Matthew 2:21

Ot bummangon si Joseph ot intallayla cha man-ila ot langulincha ud Israel.

Matthew 3:13

Si hachiʼn timpu gummatong si Jesus un lampeɏpuʼd Galilee ot ummoy chewwang un Jordan ta mampabunyeg kan John.

Luke 2:39

Gilamput pun cha Joseph kan Mary killingwa cha losan un bilin si lintog Apudyus, langulinchaʼd Nazareth un ili ud Galilee.

John 7:52

Oli pun kalancha kan siya, “Ha iGalileeka bo? Achaɏom kappay chi ugud Apudyus ta maammuwam un lappun propeta un mampeɏpuʼd Galilee.”