Matthew 2:2 - Lubuagan Kalinga

² “Chimma awechen chi alak un liyalak un Arin cha Judio? Intullongmi bituwon si kapon chi sumileɏan ilit ked siya ummaliyanmì utla ta chayawonmi siya.”

Matthew 2:2 ပူးပေါင်းရင်းမြစ်များ

Matthew 2:3

Chingngeɏn pun Ari Herod chi hachi, amod chi chalegla. Siya bo kan cha achuʼn taguʼd Jerusalem.

Matthew 21:5

“Ibyegayu kan cha taguʼd Jerusalem, Ilanyu, allat un ased chi Ariyu, lapakumbyabya ya langabkabbyayu si ayyabun chi changki.”

Matthew 27:11

Oli pun impasangucha si Jesus kan Pilate un gubillachuɏ. Ot ilimusla kan siya, “Ha sika Arin cha Judio?” Ot kalan Jesus, “Siya bo ti siya kalam.”

Luke 19:38

Ot kalancha, “Chayawon taku allaʼn Ari taku un lampeɏpu kan Apudyus! Gapu kan siya, lin-awa ud langit ya machaychayaw si Apudyus.”

Luke 2:11

Si salaʼn labi, si ilin David ud Bethlehem, liyalak chi Malagu kan cha tagu. Siya si Kristu un Apu!

Luke 23:3

Kalan Pilate kan siya, “Sika kamma Arin cha Judio?” Kalan Jesus un summongbyat, “Ustu imbyegam.”

Luke 23:38

Inggew chi liigili si uɏuwan Jesus si krus, un kalala, “Allaya Arin cha Judio.”

John 1:49

Ot summongbyat si Nathanael kan siya, “Apu, sika Alak Apudyus! Sika Ari ud Israel!”

John 12:13

Ot langaɏacha si byaing chi palma ot ummoycha ilabot siya un inyip-ipkawcha, “Machaychayaw si Apudyus! Binchisyulan otyan Apudyus chi umali si ngachen Apu! Binchisyulan otyan Apudyus chi Arin chi Israel.”

John 18:37

Ot kalan Pilate kan siya, “Lu katlat, Arika bo amin lù?” Insongbyat Jesus, “Tuttuwa imbyegam. Ha panggopkuʼn ummali utla lubung un miyalak ked ipakaammuk chi katuttuwaan. Ked lu silu mangipotog si katuttuwaan, patiyola ibyegak.”

John 19:19

Inggew bo impagilin Pilate un kalatula ot impaipakotla si krus Jesus un kalala, “Jesus un iNasareth, un Arin cha Judio.”

John 20:28

Ot kalan Thomas, “Sika Ap-apuk ya Apudyusku.”

John 5:23

taplu chayawon cha losan un tagu chi Alak un isun chi manchachayawcha si Ama. Lu silu achipun manchayaw si Alak, achipunla bo chayawon chi Ama un langibuun kan siya.

John 9:38

Ot kalala, “Apu, mamatiyak!” Ot lampalintuming lanchayaw kan siya.

Hebrews 1:6

Ngim alla pun akit chi mangibuulan Apudyus si lapotog un panguɏun Alakla si lubung, imbyegala alla, “Losan un angheles Apudyus, masapuɏʼn mampalintumingcha manchayaw kan siya.”

Revelation 22:16

Ot kalan bod Jesus, “Sakon si Jesus un langibuun si anghelku un mangibyega kan cha allaya kan chikayuʼn mamati un pin-a manchetchetong si kaili-ili. Mismuʼn galakak kan David, ya sakon bo kalanchaʼn Ambigaton.”