Matthew 2:13 - Lubuagan Kalinga

¹³ Ummoyon pun cha hachiʼn mangkalaing un tagu, lampaila anghel Apudyus kan Joseph si in-ilop ot kalala, “Bumangonka, itodchaklu cha man-ila ud Egypt ked inggew kayu udchi inggala ibyegak un mangulin kayu, ti impasngit Ari Herod chi alak ta ipaotoyla.”

Matthew 2:13 ပူးပေါင်းရင်းမြစ်များ

Matthew 1:20

Si lalomsomsomkalad chi alla, kakma lampaila anghel Apudyus kan siya si in-ilop ot kalala, “Joseph, un galak Ari David, achika mangkossa un mangasawa kan Mary, ti halat un bugila ked mipagapu si kilabyelin chi Ispiritun Apudyus.

Matthew 10:23

Lu paligatan chikayu si osaʼn ili, ingkayu si osa boʼn ili. Ha ibyegak kan chikayu tuttuwa, achipunyu magamput chi kawachiyu si losan un iliʼd Israel, ked mangulilak, Sakon un Alak chi Tagu si awi.”

Matthew 2:12

Ot bilegbyegaan Apudyus chicha si in-ilop, ta achicha mangulin kan Herod. Ot lalligligchaʼn langulin ud ilicha.

Matthew 2:14

Ot bummangon si Joseph ot intallayla cha man-ila ot ummoycha ud Egypt si hachiʼn labi.

Matthew 2:16

Laammuwan pun Herod un silikapan cha hachiʼn mangkalaing un tagu siya, amod chi sangala. Ot imbilinla kan cha susuɏchachulaʼn otoyoncha cha losan un aalak un leɏaki un mantawon si chuwa ya cha chaampun machuwan tawon ud Bethlehem ya cha adchaliyan un ili. Ti umoy si chuwaʼn tawon chi lummaus malipud si lampain-an chi bituwon un imbyegan cha mangkalaing un langad-acheɏ si bituwon.

Matthew 2:22

Ngim chingngeɏla pun un si Archelaus un alak Herod chi lanturay ud Judea, ummogyat un umoy udchi. Gapu ta lipain-ilop kan siya, ummoycha ud probinsiyan chi Galilee.

Acts 10:22

Summongbyatcha, “Si kapitan Cornelius chi langibuun kan chikami un umoy mangayeg kan sika, ti imbyegan chi anghel Apudyus kan siya un paayegla sika ta chongɏola ibyegam. Mangapudyus si Cornelius ya chaychayawola si Apudyus ya mas-oman cha Judio siya.”

Acts 10:7

Ot ummoyon pun chi anghel, ilayagen Cornelius cha chuwaʼn bubùulola ya osaʼn mangapudyus un suɏchachu un lansimsimbi kan siya.

Acts 12:11

Oli pun lan-imamchong si Peter ot kalala, “Tuttuwa gayam! Imbuun Apudyus chi anghella ta seɏaklibyelak kan Herod ya losan un simsimmok cha Judio un kooncha kan sakon.”

Acts 12:7

Ot kakma lampaila osaʼn anghel Apudyus ot inggew chi silaw un sililawala kuwetun inggewan Peter. Pilikpikla butikan Peter ta byangolola siya ot kalala, “Chesam! Lumibbyatka!” Ot laodcheg cha kaweɏ si imala.

Acts 16:36

Ot kalan chi man-aachug kan Paul, “Imbilin cha kuis un mibukat kayu kan Silas. Ked bibiɏuʼn umoyon.”

Acts 5:19

Ngim si hachiʼn labi, ummoy chi anghel Apudyus ot inwalitla olob chi byabyayɏuchen ot illawala cha apostoles ot kalala kan chicha,

Acts 7:19

Ha allaʼn Ari leɏanggas kan cha chachakkeɏ taku ya pilaligatala chicha ot impatutla impabyellu cha kàiyalak un leɏaki ta matoycha.

Revelation 12:14

Ngim hachiʼn byebyai, laidchen si chuwaʼn payak un isun chi payak chi chakeɏʼn bukaw ta tumayap un umawid si hachiʼn lugeɏʼn lappun ummili un lisasaggalaʼn maayyuwalala si ulog chi tiɏuʼn tawon ya godwa, ked achipun chi hachiʼn dragon maochesan.

Revelation 12:4

Ot bilautan chi ipusla langkatluwan cha bituwon ud langit ot ibyellula si pita. Ot ummoy si sangwalan chi hachiʼn byebyai un umalakon, ta kalola alakla lu lumoswa.

Revelation 12:6

Ked hachiʼn byebyai, ummawid un ummoy si lugeɏʼn lappun ummili un inyaallan Apudyus un mantaɏuwala, ta mangayyuwalala kan siya si ulog chi 1,260 un eɏgew.