Matthew 2:11 - Lubuagan Kalinga

¹¹ Lilumlokcha si hachiʼn byeɏoy ot intullongcha pu hachiʼn alak ya si ilalaʼn Mary, lampalintumingcha un lanchayaw kan siya. Ot lan-itokweɏcha kan cha lakakassun un ichatunchaʼn buɏawan, byangbyanglu un insenso ya apɏus un mirra ot illidchonchaʼn kan siya.

Matthew 2:11 ပူးပေါင်းရင်းမြစ်များ

Matthew 1:18

Kamatla kauguchen chi liyalakan Jesus un kalanchaʼn Kristu. Si Mary un ilala liyabyeyan kan Joseph ngim sakbyey un manchapatcha, ladlaw Mary un labugi siya mipagapu si kilabyelin chi Ispiritun Apudyus.

Matthew 12:46

Lan-ugu-ugud si Jesus kan cha amod un tagu si gummatngan ilala ya cha susuludlaʼn leɏaki. Illinggewchaʼd paway ti pionchaʼn makaugud kan siya.

Matthew 14:33

Cha disipuluslaʼn inggew si bangka chilaychayawcha siya un kalancha, “Tuttuwaʼn sika Alak Apudyus.”

Matthew 2:2

“Chimma awechen chi alak un liyalak un Arin cha Judio? Intullongmi bituwon si kapon chi sumileɏan ilit ked siya ummaliyanmì utla ta chayawonmi siya.”

Luke 2:16

Langkamkammuchaʼn ummoy ot inchesancha cha Mary kan Joseph ya hachiʼn alak un liyobog si atutung.

Luke 2:38

Si hachiʼn uras, ilabotla cha Jesus ot lanyaman kan Apudyus. Ilugudla mipanggop kan Jesus kan cha losan un taguʼn man-uuway si hachiʼn manwayawayaan Apudyus kan cha galak Israel.

John 19:39

Si Nicodemus un ummoy kan Jesus si osaʼn labi, kiladwaala si Joseph. Langiyoy si tiɏumpuɏuʼn kilo un byangbyanglu un lakwa si mirra ya aloe un iggacha lu milobon.

Revelation 19:10

Ot lampalintumingak un malayaw si hachiʼn anghel, ngim kalala, “Achim sakon chayawon! Abus si Apudyus un chayawom ked lappun uchum, ti osaak boʼn mansimbi kan Apudyus un isum ya cha bubuɏunlu, ked ooglen taku losan cha katuttuwaan un intudtuchun Jesus.” Ti ha katuttuwaan un intudtuchun Jesus, siya impakaawat cha propeta.

Revelation 5:8

Illaɏala pu papin, lampalintuming losan cha hachiʼn opat un parsua ya cha hachiʼn chuwampuɏu ya opat un mangipangpangu si sangwalan chi keɏlilu un malayaw kan siya. Ked kacha osa kan cha hachiʼn mangipangpangu, ilooglencha arpa un para tukeɏ ya chuyug un bilalituk ked laplu si byangbyangluʼn insenso, ked siya miyaligen chi luwalun cha losan un tagun Apudyus.