Matthew 2:1 - Lubuagan Kalinga

¹ Liyalak si Jesus si ili ud Bethlehem un sakupon Judea si timpun chi lanturayan Ari Herod. Inggew cha mangkalaing un langad-acheɏ si bituwon un lampeɏpu si ili un kapon chi sumileɏan ilit, gummatongcha ud Jerusalem un lakaim-imus,

Matthew 2:1 ပူးပေါင်းရင်းမြစ်များ

Matthew 1:25

Ngim achipunla yan kilaobog inggalà inyalak Mary leɏaki ot lingachalan Joseph siyà Jesus.

Matthew 2:16

Laammuwan pun Herod un silikapan cha hachiʼn mangkalaing un tagu siya, amod chi sangala. Ot imbilinla kan cha susuɏchachulaʼn otoyoncha cha losan un aalak un leɏaki un mantawon si chuwa ya cha chaampun machuwan tawon ud Bethlehem ya cha adchaliyan un ili. Ti umoy si chuwaʼn tawon chi lummaus malipud si lampain-an chi bituwon un imbyegan cha mangkalaing un langad-acheɏ si bituwon.

Matthew 2:19

Latoy pun si Herod, kasin lampaila anghel Apudyus kan Joseph si in-ilop ud Egypt ot imbyegala kan siya,

Matthew 2:3

Chingngeɏn pun Ari Herod chi hachi, amod chi chalegla. Siya bo kan cha achuʼn taguʼd Jerusalem.

Matthew 2:5

Ot summongbyatcha un kalancha, “Ud Bethlehem, un osaʼn ili un sakupon chi Judea ti siya inggilin cha propeta un kalala,

Matthew 2:7

Oli pun inyaggakaw Ari Herod impaayeg cha hachiʼn mangkalaing un langad-acheɏ si bituwon ot laammuwala kan chicha chi ustuʼn timpun lampain-an chi bituwon.

Luke 1:5

Si timpun chi lan-Ariyan Herod ud Judea, illinggew chi pachi un mangngachen Zechariah un chogan cha papachi un galak Abijah. Ha asawala ked si Elizabeth un galak Aaron un pachi si awi.

Luke 2:11

Si salaʼn labi, si ilin David ud Bethlehem, liyalak chi Malagu kan cha tagu. Siya si Kristu un Apu!

Luke 2:15

Ummoyon pun cha angheles langulin ud langit, lan-uugud cha man-aayyuwan un kalancha, “Intakuʼd Bethlehem itullong chi hachiʼn lakwa un impakaammun Apudyus kan chitaku.”

John 7:42

Ti liigili si ugud Apudyus un ha Kristu meɏpu si galak David ked miyalak ud Bethlehem un ilin Ari David.”