Matthew 19:9 - Lubuagan Kalinga

⁹ Ked ibyegak kan chikayu, lu awed leɏakiʼn mangichang si asawala malaksig lu lakachegchegas, makabyasuɏ si chegchegas lu mangasawa si sabyaliʼn byebyai.”

Matthew 19:9 ပူးပေါင်းရင်းမြစ်များ

Matthew 19:10

Kalan cha disipulusla, “Lu katchi makwa si man-asawa, un-ulloy chi achipunta mangasawa.”

Matthew 19:8

Kalan bo Jesus, “Impalubus Moses un ichanganyu asawayu gapu si kilatangkin chi somsomokyu, ngim chakampun si katchi panggop Apudyus si chamu.

Matthew 5:32

Ngim ibyegak kan chikayu, lu ichangan chi leɏaki asawala, makabyasuɏ, malaksig lu lakachegchegas chi byebyai, un siya gapun chi mamabyasuɏala kan siya. Ya lu silu mangasawa si laichangan un byebyai makabyasuɏ si chegchegas.”

Luke 16:18

Ot kalan bo Jesus, “Lu silu leɏakiʼn mangichang si asawala ked langasawa si sabyali, makabyasuɏ si chegchegas. Ked lu silu leɏakiʼn mangasawa si hachiʼn byebyai un laichangan, makabyasuɏ si bo chegchegas.”

1 Corinthians 5:1

Awed chi chingngeɏk un makmakwa utlat un keɏwingan, ti ulay cha achipun mamati, lappun kokòoncha si kamatlat. Ti chingngeɏk un awed kalu osa kan chikayu un pillosla pidwaʼn asawan amala.

1 Corinthians 7:39

Ha byebyai un alla asawala, achipun makwa un ichangala asawala ked kasin mangasawa. Ngim lu matoy chi asawala, makwa un kasin mangasawa si piola, ngim masapuɏʼn siyad asaw-ola mamati kan Apu Jesus.

1 Corinthians 7:4

Ti ha byebyai un langasawa, chakampun un siya singkuwa si long-egla gapu ta uwan chi asawala. Ya isula bo si leɏaki, chakampun bo un siya singkuwa si long-egla ti uwan bo chi asawala.