Matthew 19:4 - Lubuagan Kalinga

⁴ Summongbyat si Jesus, “Ha achipunyu bilasa liigiliʼn ugud Apudyus un kalala si chamchamu un langwaan Apudyus si tagu, killingwala leɏaki ya byebyai.

Matthew 19:4 ပူးပေါင်းရင်းမြစ်များ

Matthew 12:3

Ot kalan Jesus kan chicha, “Ha achipunyu kamman bilasa killingwan David ya cha kakadwala si labitilancha?”

Matthew 21:42

Ot kalan Jesus kan chicha, “Achipunyu kamman labyasa si liigiliʼn ugud Apudyus, un kalala, ‘Ha byetuʼn illissan cha lampaud, siya lambyalilon Apudyus un kapotogen un byetu un mangimpon-ed un misaachen chi byeɏoy. Si Apudyus chi langwa si allaya ked lakaskaschaaw chi mangitullongan taku.’

Matthew 21:6

Ot ummoy cha chuwaʼn disipulus ot kingwacha imbilin Jesus kan chicha.

Matthew 22:31

Ked ha mipanggop si umuliyan cha latoy mataguwan, achipunyu kamman bilasa chi imbyegan Apudyus kan chikayu? Kalala,

Mark 12:10

Ha achipunyu kamman bilasa liigili si ugud Apudyus mipanggop si allaya? Kalala, ‘Ha byetu un illissan cha lampaud un kalanchaʼn lappun simbila, siya lambyalilon Apudyus un kapotogen un mangimpon-ed si misaachen chi byeɏoy.

Mark 12:26

“Ked ha mipanggop si umuliyan cha latoy mataguwan kasin, achipunyu kamman bilasa inggilin Moses mipanggop si umapu-apuy un kayu? Ti kalan Apudyus kan siya, ‘Sakon si Apudyus un chaychayawon cha Abraham, Isaac ya Jacob.’

Mark 2:25

Summongbyat si Jesus, “Achipunyu kamman bilasa killingwan David ya cha kakadwala si labitilancha ya lakasapuɏancha si makan?

Luke 10:26

Kalan Jesus kan siya, “Simma liigili si lintog? Simma man-aawatlu?”

Luke 6:3

Ot silongbyatan Jesus chicha, un kalala, “Achipunyu kamman bilasa kingwan David ya cha kakadwala si labitilancha?