Matthew 18:8 - Lubuagan Kalinga

⁸ Lu ha imam willu ikim chi gapun chi makabyasuɏam, lampogem ked imbyellum. Ti un-ulloy chi gungsuɏka willu pilayka un makatagu kan Apudyus ud langit lu ha wechewed chi imam ya ikim un mibyellu si mallalayun un apuy.

Matthew 18:8 ပူးပေါင်းရင်းမြစ်များ

Matthew 17:27

Ngim ulay chakampun si kailiyan taku, bay-anyu ta achi lumawik chi somsomok cha tagu kan chitaku. Ingka mamungwit si byeybyey ked ha umulan mabungwitan, takangom chi tupokla ked awed chi pilak un umalay un mambugis cha chuwa. Ked eɏam ya ummoylu bilayachen chi bugista.”

Matthew 25:41

“Ked ibyegak kan cha taguʼn inggew si machuwigik, ‘Wissed kayu, chikayuʼn machuchusa ti mibyellu kayu si mallalayun un apuy un lisasaggala para kan Satalas ya cha anghelesla.

Matthew 25:46

Ked inyalungus Jesus, un kalala, “Mipooycha si mallalayun un machusaancha, ngim cha lalintog un tagu, makatagucha kan Apudyus si ing-inggala.”

Luke 14:33

Inyalungus Jesus kalan un, “Isula bo kan chikayu, lu silu mangibyegan mitun-ud kan sakon, masapuɏ man-awichela cha losan un awed kan siya.”

Luke 16:24

Ot lampokaw chi byaklang, ‘Ama Abraham! Kacheguwalak u ya ibuunlu si Lazarus ta ilusongla gammatla si chelum ked itodtodla si chilak ta matunglilan, ti allaʼn patungedku tilotoman chi atung chi allaʼn apuy!’

Romans 13:12

Ti tuttuwaʼn allà akit un magamput chi labi un manggikbot ya allà akit chi pumadchaala. Ked kaalon taku cha lawwing un isun chi pangot, ta siyad useɏon taku cha aggom chi padcha.

Revelation 14:10

sigulachuʼn ipailum Apudyus kan chicha mampiipiit un byeyaslaʼn latasa un lappun kamosla, hachi miyaligen chi amod un sangala! Ti paligatan Apudyus chicha losan si apuy ya gumilegileb un asupli, ked bubuyyaon cha angheles Apudyus ya hachiʼn Keɏlilu.

Revelation 20:15

Ti cha losan un tagu un lappun ngachenla si hachiʼn liblu un liigiliyan cha losan un makatagu kan Apudyus, chicha mibyellu si hachiʼn apuy un isun chi byeybyey.

Revelation 21:8

Ngim kaog-ogyat chi mambyalagen cha ogyatan, cha lappun pammaticha, cha langwa si kabibiin, cha kapapatoy, cha pin-a makachegchegas, cha mansansalamangka, cha malaychayaw si silan-apudyus, ya cha pin-a mantuntulli, ti lappun patinggan chi iinggewancha si byeybyey un asupliʼn gumilegileb, ked hachi kalanchaʼn mikadwaʼn otoy.”