Matthew 18:6 - Lubuagan Kalinga

⁶ “Lu silu mangmangwa si makabyasuɏan cha alla un kabyabyaan un taguʼn mamati kan sakon, un-ulloy chi mitakod chi chakeɏ un biletuʼn gilingan si byegangla ked lan-alud si kalusgongan chi byeybyey.

Matthew 18:6 ပူးပေါင်းရင်းမြစ်များ

Matthew 17:27

Ngim ulay chakampun si kailiyan taku, bay-anyu ta achi lumawik chi somsomok cha tagu kan chitaku. Ingka mamungwit si byeybyey ked ha umulan mabungwitan, takangom chi tupokla ked awed chi pilak un umalay un mambugis cha chuwa. Ked eɏam ya ummoylu bilayachen chi bugista.”

Matthew 18:10

“Ammanyu ilan ta achiyu am-amsiwon cha allaʼn aalak si pammaticha ti cha anghelescha kalayun awed si awechen Amak ud langit.

Matthew 18:14

Siya bo kan Amayuʼd langit un achipunla pion un awed mataɏak ulay ossaan kan cha allaʼn aalak.”

Matthew 18:5

Ked lu silu mangipotog si labyabyan tagu un isun chi allaʼn alak gapu si pammatila kan sakon, sakon bo ipotogla.”

Mark 9:42

“Lu silu mangmangwa si makabyasuɏan cha allaʼn kabyabyaan un taguʼn mamati kan sakon, un-ulloy chi ibitinla biletuʼn gilingan si byegangla ked lantup-ung si byeybyey.

Acts 9:5

Ilimus Saul, “Siluka, Apu?” Summongbyat, “Sakon si Jesus un palpaligatam.

Romans 14:21

Ked ha koon taku, achi taku mangwa si mayam-alan chi pammatin cha biɏun taku ya achi taku mangan si ischa willu umilum si byeyas lu siya mayam-alan chi pammatin cha susulud taku.