Matthew 18:5 - Lubuagan Kalinga

⁵ Ked lu silu mangipotog si labyabyan tagu un isun chi allaʼn alak gapu si pammatila kan sakon, sakon bo ipotogla.”

Matthew 18:5 ပူးပေါင်းရင်းမြစ်များ

Matthew 18:4

Ked lu silu mangipakumbyabya si long-egla un isun chi alak alla, siya kangatuwan si Mampangatan Apudyus.

Matthew 18:6

“Lu silu mangmangwa si makabyasuɏan cha alla un kabyabyaan un taguʼn mamati kan sakon, un-ulloy chi mitakod chi chakeɏ un biletuʼn gilingan si byegangla ked lan-alud si kalusgongan chi byeybyey.

Matthew 25:40

“Ked sumongbyat chi Ari kan chicha, ‘Tuttuwa ibyegak kan chikayu, lu killingwayu si osaʼn kabyabyaan kan cha susuludku, killingwayu bo kan sakon.’

Matthew 25:45

“Ked songbyatak chicha, ‘Tuttuwa ibyegak kan chikayu, lu achipunyu tiluɏungan chi osaʼn kabyabyaan kan cha susuludku, achipunyu bo sakon tiluɏungan.’ ”

Matthew 7:8

Ti losan un mangkochew kan Apudyus, maatod chi kochewola. Lu silu mansingit si piolaʼn sington, maochesala. Lu silu mangkongkong, milukat chi sawang kan siya.

Mark 9:37

“Lu silu mangipotog si kabyabyaan un tagu un isun chi allaʼn alak mipagapu si pammatila kan sakon, potgola bo sakon. Ked lu silu mangipotog kan sakon, potgola bo langibuun kan sakon.”

Mark 9:41

Tuttuwa ibyegak kan chikayu, lu silu mamailum si chelum kan chikayu gapu ta tagu chikayu kan Kristu, tuttuwaʼn maidchen si gunggulala.”

Luke 9:48

Ot kalala kan chicha, “Lu silu mangipotog si osaʼn taguʼn isun chi allaʼn alak gapu kan sakon, potgola bo sakon. Ked lu silu mangipotog kan sakon, potgola bo si amak un langibuun kan sakon. Lu silu kabyabyaan kan chikayu losan, siya kangatuwan.”

John 13:20

Tuttuwa allaʼn ibyegak kan chikayu: lu silu mangawat si taguʼn ibuunku, ilawatla sakon. Ked lu silu mangawat kan sakon, ilawatla bo langibuun kan sakon.”

Galatians 4:14

Ngim ulay lapaligatan kayu gapu si hachiʼn amod un sakitku, chakampun un lasngay kayu ti ilan-alusanyu ya achipunyu sakon bilaybyay-an. Ti limangiliyak un isun chi anghel Apudyus, willu Jesu Kristu un limangiliyu.