Matthew 18:3 - Lubuagan Kalinga

³ Ot kalala, “Tuttuwa ibyegak kan chikayu, lu achipunyu byaliwan chi somsomokyu ya mambyalin un isun cha aalak, achipun kayu mipati si mampangatan Apudyus.

Matthew 18:3 ပူးပေါင်းရင်းမြစ်များ

Matthew 13:15

Ti tummangsit cha somsomokcha, lantuytuyɏongcha ya langkuykuyɏapcha. Ha chadchawat lu makatullongcha, makadngeɏcha ya makaawatcha ked mansagungcha kan sakon ta palin-awaok chicha.’ ”

Matthew 18:2

Ot ilayagen Jesus chi osaʼn alak ot pilasikedla si sangwalancha.

Matthew 18:4

Ked lu silu mangipakumbyabya si long-egla un isun chi alak alla, siya kangatuwan si Mampangatan Apudyus.

Matthew 19:14

Ngim kalan Jesus kan chicha, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus ud langit.”

Matthew 19:23

Oli pun kalan Jesus kan cha disipulusla, “Tuttuwa ibyegak kan chikayu, patunged kakaskun chi mipatiyan chi byaklang si mampangatan Apudyus.

Matthew 5:18

Tuttuwa ibyegak kan chikayu, maumas chi langit ya pita ngim cha lintog Apudyus ked sissiya, ulay simpattok achipun mataɏak inggalad matungpeɏ cha losan un panggop Apudyus.

Matthew 5:20

Ti ibyegak kan chikayu, un achipun kayu mipati si Mampangatan Apudyus lu achipun kayu lalinlintog lu cha Pariseo ya cha mimistulun chi lintog.”

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:2

“Ked lu awed idchonyu kan cha taguʼn makasapuɏ si tuɏung, achiyu ipappaila kan cha tagu un isun chi kokòon cha aginpapati un ipappailacha kan cha kekkesa ya cha sinagoga cha bibiɏuʼn kokòoncha ta chayawon cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 6:5

“Ked lu malluwalu kayu, achiyu iyis-isu kan cha aginpapati ti pionchaʼn isiked un malluwalu si sinagoga ya cha igid cha kekkesa ta itullong cha tagu chicha. Tuttuwa ibyegak kan chikayu, lagamputcha ilawat chi gunggulacha.

Mark 4:12

‘Ti ulay itutullongcha, achipuncha maila. Ya ulay chochongɏoncha, achipuncha maawatan. Ta lu somsomkoncha, ked maawatancha, mansagungcha kan Apudyus ked pakawalola chicha.’ ”

Luke 13:24

“Ipapatiyu un lumlok si lalipit un sawang ti achu cha taguʼn mangipachas lumlok ngim achipun cha makaslok.

Luke 22:32

Ngim iluwaluwak sika, Simon, ta achipun maabyak chi pammatim kan sakon. Ked lu kasinka mansagung kan sakon, pakoscheɏom chi pammatin cha bubuɏunlu.”

John 1:51

Ot kalala kan chicha, “Ibyegak chi tuttuwa kan chikayu, mailayu un miwalit ud langit ya mailayu cha angheles Apudyus un mipangpangatu ya chumedchedcheɏa kan Sakon un Alak chi Tagu.”

John 3:3

Ot kalan Jesus, “Tuttuwa allaʼn ibyegak kan sika. Lu achipun kasin miyalak chi tagu, achipun makwaʼn mipati si Mampangatan Apudyus.”

John 3:5

Ot kalan Jesus, “Tuttuwa allaʼn ibyegak kan sika. Achipun makwaʼn mipati chi tagu si Mampangatan Apudyus lu achipun miyalak si chelum ya si Ispiritun Apudyus.

Acts 14:22

Pilakoscheɏcha cha mamati ya silegegcha chicha ta ituɏutuɏuycha si pammaticha, un kalancha, “Masapuɏʼn achu mapaligatan taku si mipatiyan taku si Mampangatan Apudyus.”

Acts 28:27

Ti cha allaʼn tagu tummangkin cha somsomokcha. Atunguɏoncha katuttuwaan ya kilimitcha cha atacha ta achipuncha makatullong, achipuncha chongɏon ya achipuncha makaawat. Ked lu mansagungcha kan sakon palin-awaok chicha.’ ”

Acts 3:19

Ked chikayu masapuɏʼn mambyabyawi kayu ya mansagung kayu kan Apudyus ta pakawalola cha byasbyasuɏyu.

1 Corinthians 14:20

Susulud, achiyu otyan iyisu mansosomsomokyu kan cha aalak. Ngim lu mipanggop si mangwaanyu si lawwing, hachi otyan chi asiyu man-al-allakan un isun chi lappun ammula, ngim ha mansosomsomokyu, ikamayu otyan si somsomok chi laangsan.

1 Peter 2:2

Isuyu kàiyalak un piolaʼn sumusususu, kamatchi otyan chi mallalayedyu un mangad-acheɏ si ugud Apudyus ta kumoscheɏ pammatiyu ya matatagu kayu ing-inggala.

2 Peter 1:11

Ked magalasan si Apudyus un mangipeɏlok kan chitaku ta mipati taku si mallalayun un Mampangatan Apu takuʼn Jesu Kristu un Malagu kan chitaku.