Matthew 17:2 - Lubuagan Kalinga

² Si langitullongancha kan Jesus, lambyaliw chi tullongla, ked ha lupala lummilalilang un isun chi ilit ked ha silupla amod chi putilakla un malilisiling.

Matthew 17:2 ပူးပေါင်းရင်းမြစ်များ

Matthew 17:1

Lummaus pu olom eɏgew, ilayagen Jesus si Peter ya cha James kan John un mansulud ot lalagecha cha tummalin si mantaklang un bilig.

Matthew 17:3

Ot intullongcha cha Moses kan Elijah un makaug-uggud kan Jesus.

Matthew 28:3

Mansiling chi tullongla un isun chi kilat, ked ha silupla isun chi chiwaɏu putilakla.

Mark 9:3

ya malilisiling chi silupla ya mamputilak un lappun mangiyisuwan si kilaputilakla si allaʼn lubung.

Luke 9:29

Malluwaluwalu pun si Jesus, summabyali tullong chi lupala ya lan-ipuputilak chi silupla un malilisiling.

John 1:14

Ked ha Ugud, lambyalin tagu ot illinggew kan chitaku utla pita. Amod chi kachegula ya imbyegbyegala katuttuwaan kan chitaku. Intullongmi kila-Apudyusla, kila-Apudyus chi ossaan un Alak un lampeɏpu kan amala.

John 17:24

“Ama, ha piok kan cha allaʼn impiyeɏm kan sakon ked iinggewcha kan sakon ud langit ta itullongcha kachayawak un illidchom kan sakon, ti ilay-ayatlu sakon si chaampun chi lubung makwaan.

Romans 12:2

Achiyu tuɏachon cha kokòon cha achipun mamati, ngim ha koonyu, ipalubusyu si Apudyus un mamabiɏu si somsomokyu. Ked maammuwanyu cha pion Apudyus, ya cha losan un bibiɏuwola, ya losan un makaay-ayu kan siya ya lappun mangkuɏangala.

Revelation 10:1

Oli ked, intullongku bo lan-osog un osaʼn mangkoscheɏʼn anghel un lampeɏpuʼd langit ked lakulibuchen si libuu ya laabungusan si tileg. Ha lupala, isun chi siling chi ilit, ya ha ikila, isun chi latutuud un gileb chi apuy.

Revelation 20:11

Oli pun intullongku bo chakeɏ ya mamputilak un aammuyan chi ari ked awed bo umaammuy. Ot lammaeg chi laumas chi allaʼn pita ya langit un lappun kasinla main-an.