Matthew 17:18 - Lubuagan Kalinga

¹⁸ Oli pun ilomɏan Jesus chi aɏan un inggew si alak ot ummoyon. Ot kakma lummin-awa hachiʼn alak.

Matthew 17:18 ပူးပေါင်းရင်းမြစ်များ

Matthew 12:22

Oli pun illiyoycha kan Jesus chi osaʼn leɏakiʼn kiluɏap ya ilumeɏn chi aɏan. Ot pileɏyaw Jesus chi aɏan un inggew kan siya ot lakatullong ya lakaginga hachiʼn leɏaki.

Matthew 15:28

Ot kalan Jesus kan siya, “Byebyai, lapigsa pammatim! Matungpeɏ lait un chawchawatom.” Ot kakma lummin-awa alaklaʼn byebyeɏasang.

Matthew 17:17

Summongbyat si Jesus, “Chikayuʼn lappun pammatila ya bilobokon un tagu si sala! Mikapiga man chi iinggewak kan chikayu? Mikapiga mangan-alusak kan chikayu? Igetongyu halat un alak kan sakon.”

Matthew 17:19

Ot lan-aggakaw cha disipulus Jesus ummoy kan siya ot ilimuscha, “Pakamiggey achipun makapeɏyaw si hachiʼn aɏan?”

Matthew 9:22

Oli pun lantuwili si Jesus ot intullongla siya, ot kalala, “Pakoscheɏom chi somsomoklu, alakku! Gapu si pammatim kan sakon, lumin-awaka.” Ot kakma lummin-awa byebyai.

Mark 1:34

Ot kilaan Jesus cha mangkangkalasin sakit cha amod un tagu ya pileɏyawla cha aɏan, ya pilagilokla cha aɏan ti ammucha siya.

Luke 4:41

Lampeɏyaw bo kan cha aɏan un inggew kan cha achuʼn tagu, ot si ummoyolan cha aɏan, inyipkawcha un kalancha, “Sika alak Apudyus!” Ngim pilagilokla chicha ti tilagammucha un siya si Kristu un ingkarin Apudyus un umali.

Luke 8:29

Katchi imbyegala ti pileɏyaw Jesus cha aɏan un inggew kan siya. Kalayun un paligatan cha aɏan, ulay lu byaɏuchoncha imala ya ikila si pusas, pogsatola ked intodchak cha aɏan si kapit chi lugeɏʼn lappun tagu si inggew.

Luke 9:42

Ummachali pu alak kan Jesus, impat-ug chi aɏan siya si pita ot pilakinteɏegla siya. Ngim ilomeɏan Jesus chi aɏan ya pileɏyawla ot lummin-awa alak. Ot impuɏang Jesus siya kan amala.

Acts 16:18

Achun eɏgew un kamatchi pin-ala killingwa inggalà lasngay si Paul. Ot lansagung kan siya ot kalala si aɏunganla, “Gapu si kilabyelin chi ngachen Jesu Kristu ibyegak un lumawaka kan siya.” Ot kakma lummawa chi aɏunganla.