Matthew 17:12 - Lubuagan Kalinga

¹² Ngim ibyegak kan chikayu un lagamput ummali si Elijah, ngim achipun cha tagu siya immatulan. Ot killingwacha pionchaʼn koon kan siya. Ked katchi boʼn paligatancha Sakon un Alak chi Tagu.”

Matthew 17:12 ပူးပေါင်းရင်းမြစ်များ

Matthew 11:2

Si hachiʼn timpu libyabyaɏud si John un Mambubunyeg. Chingngeɏla pu pin-an Kristu killingwa, imbuunla cha uchum un disipulusla un umoy makaimus kan Jesus.

Matthew 16:21

Inggan chi hachi, illugin Jesus un impakaawat kan cha disipulusla chi makwa kan siya. Kalala, “Masapuɏʼn inyak ud Jerusalem ked paligatalak kan cha pallakayon cha Judio ya cha ap-apun cha papachi ya cha mimistulun chi lintog. Ked mapatoyak ked lu mikatluʼn eɏgew umuliyak matagu.”

Matthew 17:11

Ot summongbyat si Jesus, “Tuttuwaʼn ummulà Elijah ummali ta isagalala losan.

Matthew 17:13

Oli pun laawatan cha disipulusla un si John un Mambubunyeg chi ibyegbyegan Jesus.

Matthew 17:22

Lachagup pun cha disipulus Jesus ud Galilee, kalala kan chicha, “Sakon un Alak chi Tagu, mipuɏangak kan cha tagu

Matthew 17:9

Si lan-osgenchad chi bilig, bililin Jesus chicha, “Achiyu pay ibyegbyega intullongyu inggalà Sakon un Alak chi Tagu ked umuliyak matagu.”

Matthew 21:32

Ti ummali pun si John un Mambubunyeg, intudtuchula bibiɏuʼn mambibiyeg un masapuɏʼn suɏutonyu, ngim achipunyu pilati siya. Ngim cha lamati kan siya, cha manchachagup si bugis ya cha puta. Ked ulay lu intutullongyu lambyaliwancha, achipun kayu lambyabyawi kan cha byasbyasuɏyu ya achipunyu bo pilati siya.”

Matthew 8:20

Ot kalan Jesus kan siya, “Cha mutit allat chi lungug un igewcha ya cha sissiwit allat bo sukbutcha. Ngim Sakon un Alak chi Tagu, lappun byeɏoyku un inyak masuɏpan.”

Luke 7:33

Ti ha ummaliyan John un Mambubunyeg, pin-a lallaun ya achipun ummilum si byeyas, ot ilam-amsiwyu siya un ngadlonyu, ‘Laaɏan siya!’

John 1:11

Ummali siya si mismuʼn ilila, ngim achipun cha mismuʼn kailiyala ilawat siya.

Acts 2:23

Si Jesus, sigud un simsimmok Apudyus un ipuɏang kan chikayu ti siya planula si awi. Ked chikayu lamatoy ya langipuɏang kan cha lawwing un tagu ta ilansacha siya si krus.

Acts 4:10

chongɏonyu ta ipakaammuk kan chikayu ya cha losan un taguʼd Israel, un lummin-awa chi allaʼn leɏaki si sangwalanyu mipagapu si kilabyelin chi ngachen Jesu Kristu un iNazareth. Siya hachiʼn illansayu si krus, ngim tilagun Apudyus kasin.

Acts 7:52

Awed kamma propetan Apudyus un achipun cha chachakkeɏ taku pilaligatan? Lappun pulus. Pilatoycha cha imbuun Apudyus un umoy langibyega si gumatngan alaklaʼn Jesus un lappun byasuɏla. Ked chikayu, inyibityu ya pilatoyyu si Jesus.