Matthew 15:2 - Lubuagan Kalinga

² “Puggey cha disipuluslu un achipuncha tuttuwaon chi ugali un tilawid taku kan cha leɏpuwan taku? Achipuncha mambiɏu sakbyey un mangancha.”

Matthew 15:2 ပူးပေါင်းရင်းမြစ်များ

Matthew 15:3

Silongbyatan Jesus chicha un kalala, “Chikayu ngay, payuggey suplingon chi bilin Apudyus ya siya bò tiluttuwayu ugaliyu?

Mark 7:2

Ot intullongcha cha uchum un disipulus Jesus un manga-mangan un kiisaw chi imacha. Achipuncha tiluttuwa cha ugalichaʼn Judio un mambiɏucha yan, asicha ot mangan.

Mark 7:5

Ot ilimus cha Pariseo ya cha mimistulun chi lintog kan Jesus “Puggey cha disipuluslu un achipuncha tuttuwaon chi ugali un tilawid taku kan cha leɏpuwan taku, ngim manganchaʼn kiisaw chi imacha?”

Luke 11:38

Laschaaw chi Pariseo si intullongla Jesus un achipun lambiɏu sakbyey un mangancha.

Colossians 2:8

An-allechenyu ta achi kayu maawis si tudtuchuʼn umallilaw un impatawid cha iyawi ya cha ispiritu un manturay si lubung. Lappun simbila cha allaʼn tudtuchu siya mangallilaw kan cha somsomok ya chakampun kan Kristu lampeɏpuwala ngim ugalin cha iyawi un simsimmokcha ya cha bilin utla pita.

1 Peter 1:18

Ti ammuyu un lawayawayaan kayu si lappun simbilaʼn mambibiyeg un tilawidyu kan cha aappuyu. Ked ha lansakala kan chikayu, chakampun un pilak willu byalituk un makwaʼn mayam-an,