Matthew 13:12 - Lubuagan Kalinga

¹² Ti ha taguʼn mamati ya maawatala tudtuchuk, machogchog-an chi palag-awatla inggala umachu man-aawatla. Ngim ha taguʼn achipun mamati, machellagus makaan chi ulay akit un laawatala.

Matthew 13:12 ပူးပေါင်းရင်းမြစ်များ

Matthew 21:43

Ked ibyegak kan chikayu, un achipun Apudyus iturayan chikayu ked siya iturayala cha tagu un pin-a mangwa kan cha lumbong si mampangatala.

Matthew 25:29

Ti ha mapiyeɏʼn tagu, machogchog-an chi maatod kan siya inggala masaweɏ. Ngim ha taguʼn achipun mapiyeɏan, makaan chi ulay akit un awed kan siya.

Mark 12:9

Ot ilimus Jesus, “Simma koon chi singkuwa si pita? Umoyla patoyon cha hachiʼn lantangkon ked impatangkonla pitala kan cha uchum.

Luke 10:42

Ngim ossaan chi kasapuɏan. Siyad pililiyan Mary chi kabiɏuwan, ked achipun makaan kan siya.”

Luke 12:48

Ngim ha bubùulon un lappun ammula si pion chi apulaʼn pakwa ya langwa si lawwik, akit chi machusaala. Ti ha taguʼn achu lipiyeɏ kan siya, achu bo songbyatala. Ked ha tagu boʼn ad-achu lipiyeɏ kan siya, ad-achu bo songbyatala.”

Luke 16:2

Ot impaayegla siya ot kalala, ‘Simma allaʼn chongchongɏok un pin-am koon? Amilom ilista cha losan un killingwam mipanggop si cha impiyeɏk kan sika ti kaalok sika si kawachim.’

Luke 16:25

“Ngim kalan Abraham, ‘Somsomkom alakku, si katattagum utlat pita mallin-awa biyeglu. Ngim si Lazarus tilotomala cha ligat. Ngim si sala, lummin-awa si Lazarus utla ked sika manligligatka utlat.

Luke 8:18

Ammanyu chochongɏon chi ibyegak, ti ha manchongeɏ si itudtuchuk, machogchog-an chi man-aawatla. Ngim ha taguʼn achipun manchongeɏ, ulay akit un awed kan siya, miyabus makaan.”

Luke 9:26

Lu silu mabiin un mangisiked kan sakon ya ha ugudku, Sakon un Alak chi Tagu mabiilak bo un mangisiked kan siya lu mangulilak un mangipaila si kilachayawku ya kilachayaw Ama ya cha lasantuwan un angheles.

James 4:6

Ngim amod chi kachegun Apudyus kan chitaku. Ti kalan chi liigili un ugud Apudyus, “Sangaon Apudyus cha lasayaw, ngim kacheguwala cha lapakumbyabya.”

Revelation 2:5

Somsomkonyu otyan chi ayatyu si chamu, ta mambyabyawi kayu ked ipauliyu hachiʼn chamuʼn killingwayu. Ta lu achipun kayu mambyabyawi si byasuɏyu, umaliyak ked kaalok chi pagsilawanyu si lipapattayala.