Matthew 12:7 - Lubuagan Kalinga

⁷ Awed chi piok un maawatanyu. Liigili si ugud Apudyus un kalala, ‘Achipunku potpotgon cha ayam un ichatchatunyu kan Sakon. Ngim siyad potpotgok chi kumachegu kayu kan cha asintataguyu.’ Lu laawatanyu otyan chi pion chi hachiʼn uguchon, achiyu otyan pabyasuɏon cha lappun byasuɏcha.

Matthew 12:7 ပူးပေါင်းရင်းမြစ်များ

Matthew 22:29

Silongbyatan Jesus chicha, “Laillachu kayu, ti achipunyu maawatan chi liigiliʼn ugud Apudyus willu kilabyelin Apudyus.

Matthew 9:13

Ingkayu amman achaɏon chi pion chi ugud Apudyus un ibyega un kalala, ‘Siyad piok chi kumachegu kayu kan cha asintataguyu. Chakampun si piok cha ichatchatunyu kan sakon.’ Ti siyad ummaliyak taplu ayagek cha taguʼn malagbyasuɏ ta mambyabyawicha, chakampun un cha taguʼn singkalan un lalintogcha.”

Mark 12:33

Ked tuttuwa un masapuɏʼn ayaton taku siya si losan un somsomok taku, si losan un kilalaing taku ya si losan un koscheɏ taku ya ayaton taku cha asintatagu taku un isun chi man-aayat taku si long-eg taku. Lapotpotog un tuttuwaon taku cha allaʼn chuwaʼn bilin lu manchatun si losan un michatun kan Apudyus.”

Acts 13:27

Ngim cha taguʼd Jerusalem ya cha papangatcha ked achipuncha laimatulan un si Jesus chi imbuun Apudyus. Achipuncha laawatan un siya ibyegbyegan cha propeta si awi, ulay lu silabyechu un byasbyasaoncha inggilicha. Ngim tilungpeɏcha imbyegan cha propeta, ti ingkodchongchaʼn mapatoy si Jesus.

James 5:6

Kilodchonganyu ya pilatoyyu cha gigillok un lappun kabyasbyasuɏala.