Matthew 11:8 - Lubuagan Kalinga

⁸ Ot simma ummoyyu intullong lù? Osaʼn taguʼn lansilup si kabiɏuwan un silup? Chakampun, ti cha mansilup si kamatchi, inggewcha si byeɏoy chi Ari.

Matthew 11:8 ပူးပေါင်းရင်းမြစ်များ

Matthew 11:7

Ummoyon pun cha disipulus John, illugin Jesus un lan-ugud kan cha amod un tagu mipanggop kan John un kalala, “Si ummoyanyu kan John si lugeɏʼn lappun ummili, simma lilamlamayuʼn itullong? Ha osaʼn guɏun un chupachupaliyon chi bidbid? Lai.

Matthew 11:9

Simma ummoyyu intullong lù? Osaʼn propetan Apudyus? Tuttuwa, ngim ibyegak kan chikayu, si John un intullongyu ked langatngatu lu ha propeta.

Matthew 3:4

Ha silup John, lilagaʼn chutchut chi kameɏ, ked ha sintulunla gedchang, ha kakallola ked chuchun ya chilu.

Luke 7:25

Ked lu chakampun, simma ummoyyu intullong? Ha taguʼn lansilup si kangilaan? Ngim chakampun si lansilup si katchi ti byeɏoy chi Ari inggewan chi lakasilup si katchiʼn langila.

1 Corinthians 4:11

Ulay si sala, mangkukuɏang kami si masapuɏmi un makan ya mailum. Ya lapispissay cha silupmi, ya pampaligatan chikami, ya lappun ustu si inggewanmi.

2 Corinthians 11:27

Launge-ungeɏak ya laligligatak. Pappasig un lapuyapuyatalak, labitibitilak ya lauwauwawak, ya lappun kalok, lappun byeɏoy un masuypak ya lappun silupku.

Revelation 11:3

Ngim si cha hachiʼn eɏgew un 1,260, idchek si kilabyelin cha chuwaʼn tistiguk un umoy mangipakaammu si pion Apudyus un ipakaammu, ked mansisillupcha si guti.”