Matthew 11:7 - Lubuagan Kalinga

⁷ Ummoyon pun cha disipulus John, illugin Jesus un lan-ugud kan cha amod un tagu mipanggop kan John un kalala, “Si ummoyanyu kan John si lugeɏʼn lappun ummili, simma lilamlamayuʼn itullong? Ha osaʼn guɏun un chupachupaliyon chi bidbid? Lai.

Matthew 11:7 ပူးပေါင်းရင်းမြစ်များ

Matthew 11:8

Ot simma ummoyyu intullong lù? Osaʼn taguʼn lansilup si kabiɏuwan un silup? Chakampun, ti cha mansilup si kamatchi, inggewcha si byeɏoy chi Ari.

Matthew 12:20

Achipunla man-awichen cha lakapsut chi pammaticha, ya laalus kan cha maam-amis. Ituɏuyla kawachila inggalad matungpeɏ ustu un panggop Apudyus.

Matthew 21:25

Chilu lampeɏpuwan chi kalobbongan John un mambunyeg, leɏpu kan Apudyus willu tagu?” Ot lan-is-isikancha un kalancha, “Simma ibyega taku? Lu kalan takuʼn, ‘Leɏpu kan Apudyus,’ kalala un, ‘Payuggey achi pilati si John lù?’

Matthew 3:5

Amod cha taguʼn ummoy lanchongeɏ si intudtuchula un lampeɏpuʼd Jerusalem ya losan un iliʼn sakupon chi probinsiya ud Judea ya ulay ili-iliʼn mampachewwang un Jordan.

Luke 8:18

Ammanyu chochongɏon chi ibyegak, ti ha manchongeɏ si itudtuchuk, machogchog-an chi man-aawatla. Ngim ha taguʼn achipun manchongeɏ, ulay akit un awed kan siya, miyabus makaan.”

John 1:38

Lantuwilì Jesus ot intullongla chichaʼn mituntun-ud ot ilimusla kan chicha, “Simma masapuɏyu?” Ot kalancha kan siya, “Rabbi, (piolaʼn uguchon mistulu) udma inggewam?”

John 5:35

Si John miyalig si silaw un gumilegileb, ngim sin-akitan chi langgalasanyu si silawla ti sin-akitan chi layedyu si intudtuchula.

Ephesians 4:14

Lu katchi makwa kan chitaku, chakampun un sissiyaʼn isu taku cha aalak un mallasu maawisan taku si cha losan un baruʼn tudtuchu, ya achipun taku maallilaw kan cha masikap un mansabsabyali itudtuchucha taplu achipun machegas chi pammati taku.

James 1:6

Ngim lu malluwalu kayu, masapuɏʼn patiyonyu un idchon Apudyus chi chawatonyu ya achi kayu manchuwa-chuwa. Ti ha taguʼn manchuwa-chuwa, isun chi challuyun si byeybyey un iyulli-ullin chi bidbid.