Matthew 11:6 - Lubuagan Kalinga

⁶ Ya ibyegayu kan siya un pian chi taguʼn achipun manchuwachuwa mipanggop sakon.”

Matthew 11:6 ပူးပေါင်းရင်းမြစ်များ

Matthew 13:21

Ngim achipun lummamut chi ugud Apudyus si somsomokcha. Ked lu gumatong cha ligat willu pilaligatancha chicha gapu si lamatiyancha si ugud Apudyus, kakmacha iyagey.

Matthew 18:7

Kadchegu cha tagu si lubung alla ti achu cha sulisug un mapachasancha. Gagangay un gumatong cha sulisug kan cha mamati, ngim kadchegu chi taguʼn mansulisug si makabyasuɏan.

Matthew 24:10

Ked gapu si hachi, achu kan chikayu man-awichela pammatila ya man-asi-ibitcha kan man-asilawingcha.

Matthew 26:31

Oli pun kalan Jesus kan chicha, “Si salaʼn labi, mabukeɏ kayu losan ked telanyu sakon ti kalan chi liigiliʼn ugud Apudyus, ‘Patoyok chi mangay-ayyuwan kan cha keɏlilu ked umikas cha keɏlilu.’

Matthew 5:29

Lu siya makabyasuɏam cha itullong chi machuwalan un atam, ukaom ked ibyellum! Un-ulloy chi makuɏangan chi long-eglu lu wechewed chi long-eglu ked mibyelluʼd impiyeɏlu.

Mark 6:3

Chakampun kamman un siya hachiʼn kalupinteɏ? Chakampun kamman un siya alak Mary ya sulud cha James, Joseph, Judas ya Simon? Chakampun kamman un alla cha byebyaiʼn suludla kan chitaku?” Ot achipuncha impotog siya.

Luke 2:34

Ot bilinchisyulan Simeon chicha ot kalala kan Mary un ilan Jesus, “Ha allaʼn alaklu, chilutukan Apudyus siya ked gapu si suysuɏula machusa cha achu un galak Israel, ngim achu bo cha matagu. Gapu ta achipun cha tuttuwaon siya un imbuun Apudyus, achu cha taguʼn mallawing kan siya.

Luke 7:23

Ked ibyegayu bo kan siya un pian chi taguʼn achipun manchuwachuwa pammatila kan sakon.”

John 16:1

“Imbyegak cha laoy kan chikayu ta achiyu man-awichen chi pammatiyu.

John 6:66

Lalipud si hachi, achu cha lan-awid un disipulusla ot achipun cha litun-ud kan siya.

1 Corinthians 2:14

Ngim ha taguʼn lappun chi Ispiritun Apudyus kan siya, achipunla maawat cha kabyeeɏan un mampeɏpu si Ispiritun Apudyus ti lappun simbila kan siya. Ti ha makaawat, abus cha taguʼn awechen chi Ispiritun Apudyus ti siya mangipakaawat.

Galatians 5:11

Ngim ulay sakon, susulud, lu itudtuchuk un masapuɏʼn tuttuwaon taku lintog mipanggop si sogyat, achipulak otyan paligatan kan cha chogak un Judio mipanggop si itudtuchuk un latoyan Jesu Kristu si krus.

1 Peter 2:8

Ked ha osa boʼn liigili, kalala, “Liya byetuʼn misabyangtuwan cha tagu, ya siya bo milus-ubyencha.” Misabyangtucha ti achipuncha tumuttuwa si ugud Apudyus, un siya likodchong un kooncha.