Matthew 11:23 - Lubuagan Kalinga

²³ Ked chikayu un iCapernaum, ha lamlamaonyuʼn michayaw kayu ud langit ing-inggala? Achipun! Ti ibyellun Apudyus chikayu ud Impiyeɏlu. Lu ud Sodom otyan chi langwaak si lakaskaschaaw un killingwak kan chikayu, lambyabyawicha lin ya sissiya lin chi ilicha si sala.

Matthew 11:23 ပူးပေါင်းရင်းမြစ်များ

Matthew 10:15

Tuttuwa allaʼn ibyegak kan chikayu, lu chumtong chi eɏgew un manguisan Apudyus si cha tagu, singkumaɏu chusan cha hachiʼn umili lu ha chusan cha iSodom ya iGomorrah.”

Matthew 16:18

Ked ibyegak kan sika, Sika si Peter, piolaʼn uguchon byetu. Ked halat un lap-at chi byetu chi mampauchek si byeɏoyku un siya cha losan un mamati kan sakon. Ked lappun makaabyak kan chicha ulay chi kilabyelin chi otoy.

Matthew 17:24

Gummatong pun cha Jesus kan cha disipulusla ud Capernaum, ummoy cha uchum un manchachagup si bugis si templo kan Peter ot ilimuscha, “Ha mambyayed kamman chi mistuluyu si bugis chi templo?”

Matthew 4:13

Tilelalaʼd Nazareth ot ummoy illinggew ud Capernaum un osaʼn ili si igid chi byeybyey ud Galilee un sakup chi Zebulun ya Naphtali.

Matthew 8:5

Gummatong pun si Jesus ud Capernaum, ilabot chi kapitan cha suɏchachuʼn iRome siya. Ot langkadkachegu un kalala,

Luke 10:15

Ked chikayu un iCapernaum, ha lamlamaonyun michayaw kayu ud langit ing-inggala? Achipun! Ti ibyellun Apudyus chikayu ud Impiyeɏlu.”

Luke 14:11

Ha taguʼn mangipangatu si long-egla mipabyabya, ngim ha taguʼn mangikumbyabya si long-egla, mipangatu.”

Luke 16:23

Ot lipooy ud Hades un inggewan cha latoy un patungedla tilotoman chi ligat. Lantanged pu hachiʼn byaklang, intullonglà Abraham si adchayuwan ya si Lazarus un lichecheeg kan siya.

Luke 4:23

Ot kalan Jesus kan chicha, “Kapilitan un ibyegayu kan sakon chi laoy un ug-uggud, ‘Chuktuɏ, palin-awaom chi long-eglu.’ Ti pionyu boʼn pakwa kan sakon utla ilik chi lakaskaschaaw un chingngeɏyuʼn killingwak ud Capernaum.”

Acts 2:27

Ti achipunlu byeybyey-an sakon ud Hades ya achipunlu bo ipalubus un meɏpos chi long-egkuʼn mangipapati mansimbi kan sika.

Acts 2:31

Sigud un ammun David un pauliyon Apudyus taguwon kasin chi hachiʼn galakla ya achipunla byeybyey-an ud Hades ya achipun bo meɏpos chi long-egla, siyad ibyegbyegala Messias un ibuun Apudyus.

Jude 1:7

Somsomkonyuʼd Sodom ya Gomorrah ya cha lampalikwos un ili. Lakabyasuɏcha si chegchegas ya siyad pin-acha kingwa pipion chi long-egcha. Ked laklak-amoncha chusan Apudyus kan chicha un mallalayun un apuy un gumilgillaub un achipun maksop. Liya otyan chi mansampaɏan taku.

Revelation 1:18

Sakon si Apudyus un lappun matoyala! Impalubusku long-egku un mapatoy, ked si sala achipulak akit matoy. Sakon chi simbiyang si otoy ya alla bo kalobbongak si inggewan cha latoy.

Revelation 11:8

Ked ha lechegcha, mibyebyellat si kesan chi hachiʼn chakeɏʼn ili un lilansaan chi Apucha. Ha mangiyaligencha si hachiʼn ili, isun chi Sodom willu Egypt, gapu si lawwing un laklakwa si hachiʼn ili.

Revelation 6:8

Ot intullongku boʼn lummoswa osaʼn kabyayu un ha chutchutla, kumukupas chi putilakla, ked ha ngachen chi langakabbyayu, Otoy. Ot litun-ud chi hachiʼn langachalan si Hades un inggewan cha latoy. Ot laidchencha si kalobbongan un mamatoy kan cha tagu si ingkapatla utla pita un ha makwaancha, mapatoy si gubyat cha uchum, ya matoy cha uchum si uɏat, ya matoy bo cha uchum si sakit, ya otoyon bo cha atap un ayam cha uchum.