Matthew 11:22 - Lubuagan Kalinga

²² Ngim ibyegak kan chikayu lu chumtong chi eɏgew un manguisan Apudyus si losan un tagu, singkumaɏu machusaanyu lu cha iTyre ya iSidon.

Matthew 11:22 ပူးပေါင်းရင်းမြစ်များ

Matthew 11:24

Ngim ibyegak kan chikayu lu chumtong chi eɏgew un manguisan Apudyus si losan un tagu, sinchumadlu machusaanyu lu cha iSodom.”

Matthew 10:15

Tuttuwa allaʼn ibyegak kan chikayu, lu chumtong chi eɏgew un manguisan Apudyus si cha tagu, singkumaɏu chusan cha hachiʼn umili lu ha chusan cha iSodom ya iGomorrah.”

1 John 4:17

Ked lu kamatchi man-aayat taku, machogchog-an inggala lappun mangkuɏangala ked lappun umogyatan taku si hachiʼn eɏgew un manguisan Apudyus kan cha losan un tagu, ti mitimbuɏuy chi mambibiyeg taku kan cha ugalin Kristu.

Matthew 12:36

Tuttuwa ibyegak kan chikayu, lu chumtong chi manguisan Apudyus kan cha tagu, kacha osa songbyatala kan Apudyus cha losan un ilugudlaʼn lappun simsimbila.

Luke 10:14

Ngim lu chumtong chi eɏgew un manguisan Apudyus si losan un tagu, singkumaɏu machusaanyu lu cha iTyre ya iSidon.

2 Peter 3:7

Ngim gapu si ugud Apudyus un illuusla insasaggala langit ya pita un kasin mayam-an. Ked apuy chi useɏola un manyam-an si manguisala ya malusaala kan cha taguʼn achipun mamati kan siya.

2 Peter 2:9

Ked ammun Apudyus chi in-ilolaʼn maleɏaklib kan cha mamati un mapaligatan, ya ammula boʼn byentayan cha taguʼn achipun mamati inggala si umaliʼn eɏgew un manguisala ta machusacha,

Hebrews 2:3

Ked lu kamatchi mipanggop si imbyegan cha anghel, sin-umamod un achipun taku malisiyan chi machusaan taku lu ipampaliwa taku chi kapotogen un mataguwan. Ti si Apu Jesu Kristu, siya chamuʼn langipatigammu si mataguwan taku, ked cha hachiʼn lanchochongngeɏ kan siya chicha bo langipatigammu kan chitaku si katuttuwaan.

Matthew 11:21

Ot kalala, “Kadchegu kayu un iKorazin ya iBethsaida! Ti lu ud Tyre ya Sidon chi langwaak kan cha allaʼn lakaskaschaaw un isun chi killingwak kan chikayu, labyeyeg otyan un lambyabyawicha kan cha byasuɏcha, si lansilupancha si guti ya langiggaancha si chebu si uɏucha un mangipain-ancha un lambyabyawicha.

Revelation 20:11

Oli pun intullongku bo chakeɏ ya mamputilak un aammuyan chi ari ked awed bo umaammuy. Ot lammaeg chi laumas chi allaʼn pita ya langit un lappun kasinla main-an.

Revelation 20:12

Oli pun bo intullongku cha losan un langkakatoy un tagu un lipasangu si hachiʼn umaammuy, ked wechewed cha langangatu ya labyabya, ya ulay bo cha hachiʼn langkakatoy si byeybyey, ked lummoswacha losan, ya ulay bo cha losan un langkakatoy un illinggew ud Hades un inggewan cha latoy. Ked summisikedcha si sangwalan chi hachiʼn ummaammuy, ot labuktan chi liblu un liigiliyan cha losan un killingwan cha tagu. Ya labuktan bo osaʼn liblu un liigiliyan cha ngachen cha losan un makatagu kan Apudyus si ing-inggala. Ot lakuis losan cha hachiʼn ummuli latagu, ked laibyeseɏ si killingwacha si katattagucha, un liigili si hachiʼn liblu.