Matthew 11:18 - Lubuagan Kalinga

¹⁸ Ti ummali si John un pin-a lallaun ya achipun ummin-ilum si cha bumuuk un byeyas, ngim ilam-amsiw cha tagu siya un kalancha, ‘Laaɏan.’

Matthew 11:18 ပူးပေါင်းရင်းမြစ်များ

Matthew 10:25

Ked maplok otyan chi iswila lu mambyalin isun chi mistulula, ya kamatla otyan bo si bubùulon lu mambyalin isun chi ap-apula. Lu sakon un miyalig un singkuwa si byeɏoy, kalancha un sakon si Beelzebul, giluɏa kayu bo, achi amod chi kalancha kan chikayuʼn kabyeɏoyla.”

Matthew 11:17

‘Tilupayyami gangsa, ngim achipun kayu lalagli! Ot langkanta kami si kachegchegu, ngim achipun kayu bo lakalangchu.’

Matthew 3:4

Ha silup John, lilagaʼn chutchut chi kameɏ, ked ha sintulunla gedchang, ha kakallola ked chuchun ya chilu.

Matthew 9:34

Ngim kalan cha Pariseo, “Awed kan siya pangat cha aɏan ked siya chi langatod kan Jesus si kilabyelin un mameɏyaw kan cha aɏan.”

Mark 3:22

Awed cha uchum un mimistulun chi lintog un lampeɏpuʼd Jerusalem, kalancha, “Awed kan siya si Beelzebul un pangat cha aɏan ked siya chi langatod kan Jesus si kilabyelin un mameɏyaw kan cha aɏan.”

Luke 1:15

Ked si Apudyus, ibilangla siya langatu un tagu. Mipalit siya un umilum si byeyas willu cha uchum un bumuuk. Ha Ispiritun Apudyus awed kan siya ulay awed pay laing si buwang ilala.

John 10:20

Achu kan chicha langibyegbyegan, “Allat chi aɏanla! Latingang siya! Payuggey chochongɏon siya lù?”

John 7:20

Ot summongbyat cha tagu un kalancha, “Leɏapangka, silu lamlammok un mangtoy kan sika?”

John 8:48

Oli pun kalan cha Judio kan Jesus, “Ha chakampun kamman si tuttuwa imbyegami un iSamariaka ya laaɏanka bo?”

John 8:52

Kalan cha Judio kan siya, “Lapaloklokanmi si salaoy un laaɏanka. Latoy mit si Abraham ya cha propeta, ked ibyegam un lu silu mamati si ugudku achipun pulus matoy.

Acts 26:24

Si langibyegbyeg-ala lalakcheɏan si long-egla, lapalakuy si Festus un kalala, “Paul, latingangka! Ha kilaachuʼn chi ilacheɏm chi lalingang kan sika!”

1 Corinthians 9:27

Ked ha kook bo, iyaattomku cha pion chi long-egku ti chakampun un hachi cha potgok, ta lu mambyegbyegaak kan cha uchum si mataguwancha, achipulak miwalin.