Matthew 11:12 - Lubuagan Kalinga

¹² Malipud si chamuʼn langibyegbyeg-an John inggala si sala, awed cha mangipatut mangibyegbyega mipanggop si Mampangatan Apudyus. Ya awed bo cha uchum un ipapattutcha boʼn mipati si Mampangatala.

Matthew 11:12 ပူးပေါင်းရင်းမြစ်များ

Matthew 11:11

Ot intuɏuy Jesus kalan un, “Ibyegak kan chikayu chi tuttuwa, lippun liyalak si tagu un langangatu lu si John un Mambubunyeg. Ngim ha taguʼn kabyabyaan si Mampangatan Apudyus, mibilang un langatngatu lu John.

Matthew 11:13

Losan un libluʼn inggilin cha propetan Apudyus ya inggilin Moses ibyegbyegacha mipanggop si Mampangatan Apudyus inggala si timpun John.

Matthew 3:15

Ngim kalan Jesus un summongbyat, “Chowot sika mamunyeg kan sakon si sala, ti kasapuɏan un koon taku cha losan un ipakwan Apudyus kan chitaku.” Ot inteun John un bunyagen siya.

Luke 13:24

“Ipapatiyu un lumlok si lalipit un sawang ti achu cha taguʼn mangipachas lumlok ngim achipun cha makaslok.

Luke 16:16

“Ha lintog Moses ya cha inggilin cha propeta si awi, hachi latungpeɏ lasuɏut inggala si timpun John un Mambubunyeg. Lallugi si hachiʼn timpu, libyegbyega Bibiɏuʼn Chameg mipanggop si Mampangatan Apudyus ya achu mangipatut un mipati.

John 5:4

Ti sin-udchuman man-osog chi anghel Apudyus si lalabbungan ked kiliblongla chelum. Ha umun-ulan mantup-ung si lalabbungan lu magamput makiblong chi chelum, ked makaan ulay silu sakitla.

John 6:27

Achiyu ungaɏon chi long-egyu si makan un mabyangɏos. Siyad man-ungaɏanyu chi makan un mangtod si biyeg un mallalayun. Ha mangtod si allaʼn makan kan chikayu, ked Sakon un Alak chi Tagu, ti ummallamung si Apudyus un Amak kan sakon.”

Philippians 2:12

Susuludkuʼn ay-ayatok, pasigyu tiluttuwa cha losan un imbyegbyegak si illinggewak kan chikayu, ked sin-umamod otyan si sala un lappulak. Ituɏuyyuʼn mangwa kan cha losan un pion Apudyus un siya ibungan chi pammatiyu inggala matungpeɏ malaguwan Apudyus kan chikayu, ibiinyu siya ya umogyat kayu otyan kan siya.