Matthew 11:1 - Lubuagan Kalinga

¹ Gilamput pun Jesus bililin cha lasawaɏan si chuwaʼn disipulusla, ummoyon ot ummoy lantudtuchu ya lambyegbyega si Bibiɏuʼn Chameg si cha ili-iliʼn adchaliyan.

Matthew 11:1 ပူးပေါင်းရင်းမြစ်များ

Matthew 28:20

Ya itudtuchuyu kan chicha ta tungpaɏoncha cha losan un imbilinku kan chikayu. Ked sosomkonyu un pasigak awed kan chikayu inggala alungus chi lubung.”

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 7:28

Gilamput ked Jesus imbyega cha hachi, laschaaw cha amod un taguʼn illinggew si in-ilolaʼn lantudtuchu.

Matthew 9:35

Ot lilikwos Jesus cha ili-ili un lantudtuchu ud cha sinagoga. Imbyegbyegala Bibiɏuʼn chameg mipanggop si Mampangatan Apudyus ya pilalin-awala bo cha losan un kalasin cha saksakit cha tagu ya sigeb chi long-egcha.

Mark 6:12

Ot ummoycha imbyegbyega kan cha tagu un masapuɏʼn mambyabyawicha kan cha byasuɏcha.

Luke 23:5

Ngim iliissitcha kalan un, “Tiludtuchuwala cha taguʼn sumanga si gubillu si losan un mampa Judea. Illugilaʼd Galilee ot allan siya bò utla Jerusalem.”

Luke 8:1

Lapalos pun, ummoy si Jesus si cha kaili-ili un lambyegbyega si Bibiɏuʼn Chameg mipanggop si Mampangatan Apudyus. Kilabuɏogla lasawaɏan si chuwaʼn disipulusla,

John 15:10

Isun chi mantututtuwak kan cha bilbilin Amak, ya inggewak si ayatla, iinggew kayu si ayatku lu tumuttuwa kayu si cha bilbilinku.

John 15:14

Ked chikayu cha bubuɏunku lu tuttuwaonyu cha bilinku.

Acts 1:2

inggala si eɏgew un lipangatuwalaʼd langit. Sakbyey un langulin ud langit, gapu si kilabyelin chi Ispiritun Apudyus, bililinla cha apostoles un chilutukala.

Acts 10:38

Ya ammuyuʼn chilutukan Apudyus si Jesus un iNazareth ya illidchola Ispiritula ya kilabyelinla kan Jesus ta ulay silu ayala pin-a langwa si bibiɏu ya pin-a lampalin-awa kan cha losan un pilaligatan chimunyu ti awed si Apudyus kan siya.

Acts 10:42

Imbilinla kan chikami un ibyegbyegami bibiɏuʼn chameg kan cha tagu ya paloklokanmi un si Jesus chi chilutukan Apudyus un manguis kan cha latattagu ya latoy.

2 Thessalonians 3:10

Ti ha illinggewanmi kan chikayu utlat, imbilinmi alla: Achiyu pakalan cha masachut un mangkawachi.

2 Thessalonians 3:6

Susulud, si ngachen Apu takuʼn Jesu Kristu, allaya ibilinmi kan chikayu. Masapuɏʼn achi kayu makabibiɏun kan cha mamati un masachut un mangkawachi ya achipuncha tungpaɏon cha imbilinmi kan chikayu.

1 Timothy 6:14

Masapuɏʼn tuttuwaom cha losan un bilin Apudyus ya ilam ta awed mikawas si itudtuchum willu awed ipabyasuɏcha kan sika inggala si mangulilan Apu takuʼn Jesu Kristu.