Matthew 10:7 - Lubuagan Kalinga

⁷ Kacha ayanyu iweɏagawegyu Bibiɏuʼn Chameg, ‘Chanchali Mampangatan Apudyus.’

Matthew 10:7 ပူးပေါင်းရင်းမြစ်များ

Matthew 10:8

Palin-awaonyu cha lasakit, taguwonyu cha latoy, papeɏkasonyu cha lakuteɏ, peɏyawonyu cha aɏan. Gapu ta lappun imbyayedyu si ilawatyu ked achi kayu bo mampabyayed lu tumuɏung kayu.

Matthew 11:1

Gilamput pun Jesus bililin cha lasawaɏan si chuwaʼn disipulusla, ummoyon ot ummoy lantudtuchu ya lambyegbyega si Bibiɏuʼn Chameg si cha ili-iliʼn adchaliyan.

Matthew 21:31

Silu kan cha hachiʼn chuwa lalungpeɏ si pion amacha?” Summongbyatcha, “Ha panguɏu.” Ot kalan Jesus kan chicha, “Tuttuwa ibyegak kan chikayu un cha mangkaɏawing un tagu un isun cha manchachagup si bugis ya cha puta, umun-ulacha lu chikayu mipati si Mampangatan Apudyus.

Matthew 21:43

Ked ibyegak kan chikayu, un achipun Apudyus iturayan chikayu ked siya iturayala cha tagu un pin-a mangwa kan cha lumbong si mampangatala.

Matthew 23:13

Ot intuɏuy Jesus un kalala, “Kadchegu kayu, chikayuʼn Pariseo ya mimistulun chi lintog. Aginpapati kayu! Ti sillodyu sawang un lumlokan cha tagu si Mampangatan Apudyus. Ngim achipun kayu bo lumlok ked ipalityu bo cha meɏyed un lumlok.

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 4:17

Malipud si hachiʼn timpu, lilugiyan Jesus un lambyegbyega un kalala, “Mambyabyawi kayu kan cha byasuɏyu ti chanchali Mampangatan Apudyus.”

Mark 6:12

Ot ummoycha imbyegbyega kan cha tagu un masapuɏʼn mambyabyawicha kan cha byasuɏcha.

Luke 16:16

“Ha lintog Moses ya cha inggilin cha propeta si awi, hachi latungpeɏ lasuɏut inggala si timpun John un Mambubunyeg. Lallugi si hachiʼn timpu, libyegbyega Bibiɏuʼn Chameg mipanggop si Mampangatan Apudyus ya achu mangipatut un mipati.

Luke 9:2

Ot imbuunla chicha ta umoycha ibyegbyega chi Mampangatan Apudyus ya mampalin-awa kan cha lasakit.

Luke 9:6

Ot ummoyoncha ot ummoycha gilakgakay cha ili-ili un langibyegbyega si Bibiɏuʼn Chameg kan cha tagu ya lampalin-awa kan cha lasakit.

Luke 9:60

Ngim kalan Jesus kan siya, “Mangamung cha lalattoy un mangimbon kan cha isuchaʼn latoy si ispiritu. Ngim sika, ingka ipapuut ibyegbyega Mampangatan Apudyus.”

John 3:2

Si osaʼn labi, ummoy kan Jesus ot kalala, “Mistulu, ammumi un osaka un mistulu un imbuun Apudyus. Lappun makakopya si cha laoy un lakaskaschaaw un pin-am killingwa lu lappun si Apudyus kan siya.”

Acts 10:25

Alla pun un lumlok si Peter, ummoy Cornelius ilabot siya ot lampalintuming si sangwalan Peter ta chayawola siya.

Acts 28:31

Lateɏod un langibyegbyega mipanggop si mampangatan Apudyus ya langitudtuchu mipanggop kan Apu Jesu Kristu ked lappun langipalit kan siya.

Acts 4:2

Summangacha ti cha Peter itudtuchucha ya ibyegbyegacha un ummuli latagu si Jesus, ked losan un matoy umuli cha bo matagu.