Matthew 10:6 - Lubuagan Kalinga

⁶ Ngim ingkayu kan cha choga takuʼn galak Israel ti isucha keɏliluʼn lataɏak.

Matthew 10:6 ပူးပေါင်းရင်းမြစ်များ

Matthew 18:10

“Ammanyu ilan ta achiyu am-amsiwon cha allaʼn aalak si pammaticha ti cha anghelescha kalayun awed si awechen Amak ud langit.

Matthew 18:11

Ti Sakon un Alak chi Tagu, ummaliyak utla pita ta inyak sington ya taguwon cha lataɏak un tagu.”

Luke 24:47

Ya masapuɏ boʼn mibyegbyega chameg si losan un ili mallugi ud Jerusalem, mipanggop si palagbyabyawin cha tagu ta mapakawan cha byasbyasuɏcha.

Acts 13:46

Ngim lateɏod cha Paul kan Barnabas un lan-ugud ot kalancha, “Masapuɏʼn umun-ula mibyegbyega ugud Apudyus kan chikayuʼn Judio. Ngim illissanyu ya ibilangyu long-egyuʼn mismu un achipunyu lobbong chi biyeg un mallalayun. Ked si sala telanmi chikayu ta ingkami kan cha Gentil.

Acts 18:6

Ngim silupling pun cha Judio siya ya lan-uguuguchencha si lawwing, pilukpukala tapuk si silupla ta ipailalan isitola ot kalala kan chicha, “Lu chusaon Apudyus chikayu, ha long-egyu amuyuwanyu! Lappun biyangku. Mallugi si sala inyak kan cha Gentil.”

Acts 26:20

Ti ummoyku imbyegbyega kan cha tagu un masapuɏʼn mambyabyawicha kan cha byasbyasuɏcha ya mansagungcha kan Apudyus ya kooncha bibiɏu ta maammuwan un tuttuwaʼn lambyabyawicha. Hachi pin-ak imbyegbyega lanlugi ud Damascus, oli pun ud Jerusalem ya cha ili-ili si probinsiya ud Judea ya siya bo kan cha Gentil.

Acts 3:26

Ked chitakuʼn Judio chi ummulaʼn langibuulan Apudyus si Messiah un chilutukala un mansimbi kan siya, ta binchisyulala chitaku lu man-awichen taku lawwing un kokòon taku.”

1 Peter 2:25

Ti si chamchamu, isu taku lachungaw un keɏlilu. Ngim si sala, inyulin chitaku kan Jesu Kristu un pastuɏ taku ya mangay-ayyuwan si kalichodwa taku.