Matthew 10:22 - Lubuagan Kalinga

²² Ked lawingon chikayu kan cha losan un tagu gapu kan sakon. Ngim lu silu mangipapati si pammatila kan sakon inggalà alungusla, chicha matatagu ing-inggala.

Matthew 10:22 ပူးပေါင်းရင်းမြစ်များ

Matthew 10:39

Lu silu mangipotog si biyegla, mataɏakla mit laing. Ngim lu silu mangkasutala biyegla gapu kan sakon, ochesala mataguwala si ing-inggala.”

Matthew 24:13

Ngim lu silu mangipapati si pammatila inggalà alungusla, chicha matatagu ing-inggala.

Matthew 24:9

“Ked manchopapcha kan chikayu ya paligatan chikayu ked otoyon chikayu. Sangaon chikayu kan cha losan un nasyun gapu kan sakon.

Matthew 5:11

“Pian kayu lu mangig-iggaan chikayu ya palpaligatan chikayu ya pepewingon chikayu gapu kan sakon.

Mark 13:13

Ked lawingon chikayu kan cha losan un tagu gapu kan sakon. Ngim lu silu mangipapati si pammatila kan sakon inggalà alungusla, chicha matatagu ing-inggala.”

Luke 21:17

Ked lawingon chikayu kan cha losan un tagu gapu kan sakon.

Luke 21:19

Ked ipapatiyu cha pammatiyu, ta matagu kayu kan Apudyus ing-inggala.”

Luke 6:22

Pian kayu lu sangaon cha tagu chikayu ya issancha chikayu ya mangig-iggaan chikayu si ugud ya kalancha un lawwik kayu gapu kan Sakon un Alak chi Tagu.

Luke 8:15

Cha bukeɏ un liwagaweg si mallogway un pita, chicha cha taguʼn lanchongeɏ si ugud Apudyus ot illiggacha si somsomokcha ot tiluttuwacha. Ot chummakeɏ pammaticha inggala lamunga si sin-adchu.”

John 17:14

Impakaammuk chi ugudlu kan chicha. Ked siya mansasangaan cha achipun mamati kan chicha ti isucha sakon, chakampun si ikamacha ugalicha kan cha achipun mamati.

John 7:7

Ti cha tagu utla lubung, achipun chikayu sangaon. Ngim sakon, sangaolak kan chicha ti ibyegbyegak chi kilalawwing cha kooncha.

Acts 9:16

Ya ipailak kan siya cha losan un mapaligatala gapu kan sakon.”

Romans 2:7

Ngim cha taguʼn mangipapati un mangwa si bibiɏu, michayaw, mapotgen ya makakuwacha si biyeg un mallalayun. Ti chicha mangidchen Apudyus si mallalayun un biyeg.

2 Corinthians 4:11

Si allaʼn mataguwanmi, pasigmi sosòogon chi matoyanmi gapu kan Jesus taplu mailan cha losan chi biyeg Jesus si allaʼn long-egmi un lalaka un matoy.

Galatians 6:9

Ked achi taku otyan masngay un mangwa si bibiɏu ta lu siya pin-a taku koon, gumatong chi timpu un mangapitan taku si gunggulan cha losan un killingwa taku un bibiɏu.

Hebrews 3:14

Ti kadwa taku si Jesu Kristu lu ipapati takuʼn mangituɏuy si pammati taku inggala si alungus chi eɏgew.

Hebrews 6:11

Ked pionmi otyan kacha osa kan chikayu ipapatiyu ituɏuy chi lamlamayu ta malak-amyu inggala si alungusla.

James 1:12

Pian chi tagu un miyattomla ligat, ti lu misikedla pammatila magunggulaan siya si biyeg ing-inggala un siya ingkarin Apudyus kan cha mangay-ayat kan siya.

1 John 3:13

Ked susulud, achi kayu masmaschaaw lu lalawwingon chikayu kan cha achipun mamati.

Revelation 2:10

Ked ibyegak kan chikayu un achi kayu umogyat kan cha losan un ligat un umali kan chikayu. Ti si Satalas, pachasola kaalon chi pammatiyu ked mangwa si mibyaɏuchenyuʼn uchum. Ngim simpuɏuʼn eɏgew chi mapampaligatanyu ked abusla. Popotpotanyu pammatiyu kan sakon, ulay siya ikatoyyu, ked gunggulaak chikayu si mallalayun un biyeg si umaliʼn eɏgew.

Revelation 2:17

Chikayuʼn lainga-an, manchongeɏ kayu otyan kan cha losan un ibyegbyegan chi Ispiritun Apudyus kan chikayu losan un mamati si kaili-ili. Ked cha taguʼn achipun paabyak si lawwing, idchok kan chicha makan un lichuchulin un awed ud langit. Ya idchok bo si kacha osa mamputilak un byetu un liigiliyan chi baru un ngachen, ked lappun uchum si sin-ammu lu achi abus chi maidchela.’ ”

Revelation 2:26

“ ‘Ked cha tagu un achipun paabyak si lawwing, un mangipapatiʼn mangwa si piok inggala si matoyancha, chicha mangipatawichek si kalobbongan un makaturay kan sakon si kaili-ili

Revelation 2:3

Tuttuwaʼn laalus kayu, ya lapampaligatan kayu gapu si pammatiyu kan sakon un achipun kayu lappog.

Revelation 2:7

Chikayuʼn lainga-an, manchongeɏ kayu otyan kan cha losan un ibyegbyegan chi Ispiritun Apudyus kan chikayu un mamati si kaili-ili. Ked cha taguʼn achipun paabyak si lawwing ked idchek chicha si kalintogen un mangan si bungan chi kayu un awed ud langit si inggewan Apudyus, un siya mangatod si mallalayun un biyeg.’ ”

Revelation 3:21

“ ‘Ked losan un achipun paabyak si lawwing, itipugku chichaʼn makaamuy kan sakon ya makaturay un isun chi killingwan Ama kan sakon si langɏogek kan Satalas.