Matthew 10:2 - Lubuagan Kalinga

² Allaya cha ngachen cha lasawaɏan si chuwaʼn apostoles Jesus. Ha umula si Simon un ngadloncha Peter ya si Andrew un suludla ya cha James kan John un alak Zebedee.

Matthew 10:2 ပူးပေါင်းရင်းမြစ်များ

Matthew 17:1

Lummaus pu olom eɏgew, ilayagen Jesus si Peter ya cha James kan John un mansulud ot lalagecha cha tummalin si mantaklang un bilig.

Matthew 20:20

Oli pun ummoy kan Jesus chi asawan Zebedee ya cha chuwaʼn alaklaʼn leɏaki. Ot lampalintuming siya si sangwalan Jesus ot lanchawat kan siya.

Matthew 26:37

Ot inyawitla si Peter ya cha mansulud un alak Zebedee, ot chummauy un achipun makaskasmok.

Matthew 4:18

Si lalidtidchaɏalan Jesus si teɏanteg chi byeybyey ud Galilee, intullongla cha chuwaʼn mansulud, cha Simon un ngadlon cha Peter ya si Andrew un pin-acha malabukuɏ ti siya kawachicha.

Matthew 4:21

Si lalidtidchaɏalanchad chi teɏanteg, intullong Jesus cha chuwaʼn mansulud, cha James kan John un alak Zebedee. Inggewcha si byangka kan cha Zebedee un amacha un pin-ala isagala tabukuɏcha. Ot ilayagen Jesus chicha.

Mark 1:29

Lummawa pun cha Jesus si sinagoga, ummoycha kan cha James ya John si byeɏoy cha Simon kan Andrew.

Mark 13:3

Ummamuy pun si Jesus ud Bilig un Olivo, un chomangon chi templo, lakaimus cha Peter, James, John ya Andrew kan Jesus ti tummalincha.

Mark 6:30

Langulin cha apostoles kan Jesus. Imbyegacha kan siya losan un killingwacha ya intudtuchucha.

Luke 11:49

Gapu si hachi, lipaila kilalaing Apudyus un kalala, ‘Mangibuulak kan cha propeta ya cha apostoles kan chicha. Ngim patoyoncha uchum ya paligatancha cha uchum.’

Luke 22:14

Gummatong pu ustuʼn uras, lakaamuy si Jesus kan cha disipulusla un mangan.

Luke 22:8

Ot imbuun Jesus cha Peter kan John, un kalala, “Ingkayu iyala mangalan taku si salaʼn Piyastan Lallausan.”

Luke 5:10

Ot laschaaw bo cha James kan John un alak Zebedee. Ot kalan Jesus kan Simon, “Achika umogyat, ti malipud si sala chakampun si ikan chi tabukuɏam, siyad tabukuɏam cha tagu.”

Luke 9:10

Langulin pun cha apostoles un imbuun Jesus, imbyegacha kan siya cha losan un killingwacha. Ot ilayagen Jesus chicha ta umoycha tumalin si osaʼn ili ud Bethsaida.

John 12:22

Ot ummoy Philip imbyega kan Andrew ot ummoychaʼn chuwa imbyega kan Jesus.

John 13:23

Ot ummamuy si cheeg Jesus chi ay-ayatolaʼn disipulusla.

John 20:2

Ot lalodchakcha ot ummoy kan Peter ya hachiʼn disipuluslaʼn ay-ayaton Jesus ot kalala kan chicha, “Illaɏacha lecheg chi Apu taku si lobon ya lappun ammumi lu chilu langiggaancha!”

John 21:2

Inggew cha Simon Peter, si Thomas un ngadloncha Kapin ya Nathanael un iCana un sakup chi Galilee, cha mansulud un alak Zebedee, ya cha chuwaʼn disipulus Jesus.

John 21:20

Ot lantuwili si Peter ot intullongla disipulus un ay-ayaton Jesus un mituntun-ud. Siya bo hachiʼn lansancheg kan Jesus si alungus chi langalancha si labi ya siya langimus lu silu mangiyibit kan siya.

John 21:24

Siya disipulus Jesus un langibyega kan cha laoy ya langigili kan cha alla. Ked ammumi un tuttuwa losan.

John 6:67

Ot ilimus Jesus kan cha simpuɏu ya chuwaʼn disipulusla, “Chikayu ngay, ha pionyu boʼn umoyon?”

John 6:70

Oli pun kalan Jesus kan chicha, “Sakon chi lamili kan chikayu un simpuɏu ya chuwa, ngim awed chi osa kan chikayu langkuwan Satalas!”

John 6:71

Siyad ilugud Jesus chi mipanggop kan Judas un alak Simon Iscariote, ti ulay lu siya osa kan cha simpuɏu ya chuwaʼn disipulus Jesus, siya mangiyibit kan Jesus.

John 6:8

Ot kalan Andrew un osaʼn disipulus un sulud Simon Peter,

Acts 1:13

Gummatongcha pun ud Jerusalem, ummoycha si langingngatu un kuwetun chi byeɏoy un inggewancha. Cha inggew ked cha Peter, John, James, Andres, Philip, Thomas, Bartolome, Matthew, James un alak Alphaeus, Simon un Mangipapakat si ilila ya Judas un alak James.

Acts 1:26

Ot lambibillulutcha ot labulut si Matthias, ot lichoga kan cha lasawaɏan un apostoles.

Acts 12:2

Impasiwatla uɏun James, un sulud John.

Acts 3:1

Si osaʼn eɏgew, ummoy cha Peter kan John si templo si machema un uras chi malluwaluwan.

1 Corinthians 15:7

Oli pun lampaila bo kan James asiyot bo lampaila kasin kan cha losan un apostoles.

Ephesians 4:11

Ya illidchola bo cha mansabsabyaliʼn kabyeeɏan kan cha tagu ta matuɏungan cha lamati kan siya. Chilutukala cha uchum si man-apostolesla ya cha uchum si mampropetala. Ya chilutukala cha uchum un mangibyegbyega si bibiɏuʼn chameg ya cha uchum un mampastor ta ayyuwalancha cha mamati ya cha uchum mantudtuchu kan chicha.

Hebrews 3:1

Ked, susuludku kan Kristu un chilutukan Apudyus un mantagula ya ilayagela un mipati kan siya ud langit, somsomkon taku si Jesus un biligbig taku, siya imbuun Apudyus kan chitaku ya kangatuwan un pachi taku.

1 Peter 1:1

Sakon si Peter un osaʼn apostoles Jesu Kristu. Allaya suɏatku kan chikayuʼn lachutukan un tagun Apudyus un liwaɏas kan cha ili-ili ud Pontus, Galatia, Cappadocia, Asia ya Bithynia.

2 Peter 1:1

Sakon si Simon Peter, osaʼn apostoles Jesu Kristu un mansimbi kan siya. Allaya suɏatku kan chikayu losan un mamati, gapu si kilalintog Apudyus ya si Jesu Kristu un Malagu kan chitaku. Laatod kan chikayu pammatiyu un isun bod chi pammatimi.

2 John 1:1

Sakon si John un pallakayonyuʼn mamati, allaya suɏatku kan sikaʼn ila un pililiyan Apudyus ya cha aalaklu. Tuttuwan ay-ayatok chikayu, ya chakampun un abusak si mangay-ayat kan chikayu ti ulay bo cha losan un langagammu si katuttuwaan.

3 John 1:1

Suludkuʼn Gaius un ay-ayatok: Allaya suɏatku kan sika, sakon si John un pallakayonyuʼn mamati.

Revelation 1:1

Ha allayaʼn liblu, ked mipanggop si impakaammun Apudyus kan Jesus Kristu un makwa si umaliʼn eɏgew. Ilulan Jesu Kristu impakaammu taplu maawatan cha losan un mansimbi kan siya cha makwa si umaliʼn eɏgew. Achipun mabyeyeg ked makwa cha alla losan. Ha in-ilon Jesu Kristu un langipatigammu kan John un mansimbi kan siya, ked imbuunla anghel un mangibyega kan siya.

Revelation 1:9

Sakon si John un suludyu, biɏunku chikayu un mangiyalu-alus si maligligatan taku gapu si lamatiyan taku kan Jesu Kristu, ya biɏunku bo chikayu si mipatiyan taku si mampangatan Apudyus, ulay awechak si sala utla Patmos un osaʼn ili un langgagawa si byeybyey. Illiyoyak utla gapu si langitudtuchuwak si ugud Apudyus ya katuttuwaan un impatigammun Jesus kan sakon.

Revelation 18:20

Ngim chikayuʼn awed ud langit, gumalas kayu si layam-alala! Ya ulay chikayuʼn tagun Apudyus, apostolesla ya propetala, gumalas kayu bo losan ti imbyaɏos Apudyus cha killingwala kan chikayu si lalusaala si halat un ili!

Revelation 22:8

Sakon si John un langngeɏ ya langitullong kan cha alla losan. Lagamputku pun chingngeɏ ya intullong cha allaʼn byaleg, lampalintumingak si sangwalan chi anghel ta manchaychayawak.