Matthew 10:18 - Lubuagan Kalinga

¹⁸ Gapu kan sakon, mipasangu kayu si sangwalan cha gubillachuɏ ya cha Ari ta ibyegayu Bibiɏuʼn Chameg kan chicha ya cha losan un Gentil.

Matthew 10:18 ပူးပေါင်းရင်းမြစ်များ

Matthew 10:17

Man-alled kayu ti allat cha malokma kan chikayu ked ichiɏum chikayu si korti ya mambyautcha kan chikayu si sinagogacha.

Matthew 10:19

Lu ichiɏumcha chikayu, achi kayu machalagen mipanggop si ibyegayu willu in-ilonyuʼn man-ugud, ti mipakaammu kan chikayu chi ibyegayu si hachiʼn timpu.

Matthew 8:4

Ot kalan Jesus kan siya, “Chongɏom! Achim pay ibyegbyega laoy ulay siluʼn tagu, ngim ingka mampeɏang si pachi ked manchatunka ti siya imbilin Moses ta maluttuwaan cha taguʼn lummin-awaka.”

Mark 13:9

“Ngim allechenyu. Ti chokmaan chikayu ked ichiɏum chikayu si korti, ked saplitancha chikayu si sinagoga. Ked mipasangu kayu si cha turay ya cha Ari mipagapu kan sakon, ta hachi wayayu un mangibyega si Bibiɏuʼn Chameg kan chicha.

2 Timothy 1:8

Ked achika mabiin un malistigu mipanggop kan Apu takuʼn Jesu Kristu, ya achika bo mabiin kan sakon un libyaɏud gapu kan siya. Alusam cha ligat un mipachas taku si mangibyegbyeg-an taku si bibiɏuʼn chameg. Alusam, ti pakoscheɏon Apudyus sika.

Revelation 1:9

Sakon si John un suludyu, biɏunku chikayu un mangiyalu-alus si maligligatan taku gapu si lamatiyan taku kan Jesu Kristu, ya biɏunku bo chikayu si mipatiyan taku si mampangatan Apudyus, ulay awechak si sala utla Patmos un osaʼn ili un langgagawa si byeybyey. Illiyoyak utla gapu si langitudtuchuwak si ugud Apudyus ya katuttuwaan un impatigammun Jesus kan sakon.

Revelation 11:7

Ngim lu magamput chi mangibyeg-ancha si ugud Apudyus, hachi lumoswaan chi patunged kaog-ogyat un isun chi atap un ayam un lampeɏpu si abut un lappun kiged chi kachaɏomla, ked gubyatola cha hachiʼn chuwa. Ked abyakola chicha ya patoyola chicha.

Revelation 6:9

Ilubyachen pun bod chi hachiʼn Keɏlilu mikalimaʼn bobod, intullongku bo si pon-ed chi altar un sosoggencha si michatun kan Apudyus cha kalichodwan cha taguʼn lapatoy gapu si langitudtuchuwancha si ugud Apudyus ya lalistiguwancha si katuttuwaala.