Matthew 10:16 - Lubuagan Kalinga

¹⁶ Ot intuɏuy Jesus un kalala, “Somsomkonyu cha alla. Ibuunku chikayu kan cha lawwing un tagu un isuyu keɏlilu un umoy si inggewan cha atap un asu. Ked masapuyʼn lasilib kayu un isun chi uɏog ya laamu kayu un isun chi kalapati.

Matthew 10:16 ပူးပေါင်းရင်းမြစ်များ

Matthew 24:25

Ammanyu somsomkon, ti inchachàanku imbyegbyega kan chikayu sakbyey un makwa.

Matthew 24:45

Ot kalan Jesus, “Silu chi mapiyeɏ ya lasilib un bubùulon? Siya chilutukan chi ap-apulaʼn mangayyuwan kan cha uchum un bubùulon si byeɏoyla ta idchela chicha si makan si ustuʼn timpu.

Matthew 25:2

Cha lima kan chicha laog-oggogencha, ngim cha lima ked lasilib.

Matthew 25:4

Ngim cha lasilib, langaɏacha si silawcha ya igas un useɏoncha.

Matthew 25:9

“Ngim kalan cha lasilib, ‘Lai, achipun umalay kan chitaku losan. Ingkayuggey mangngila si tinchaan para kan chikayu.’

Luke 10:3

Ot pilalibbyat Jesus chicha, “Ingkayu! Ibuunku chikayu kan cha lawwing un tagu un isuyu keɏlilun likamos kan cha kaog-ogyat un laatap un asu.

Luke 21:15

Ti sakon chi mangatod kan chikayu si ibyegayu ya laingyu un achipun chi kabusuɏyu masongbyatan.

Acts 20:29

Ammuk un lu umoyolak, umali cha tuntullin mimistulu manyam-an kan chikayu, un isucha laatap un asu, ked lappun kacheguwancha.

1 Corinthians 14:20

Susulud, achiyu otyan iyisu mansosomsomokyu kan cha aalak. Ngim lu mipanggop si mangwaanyu si lawwing, hachi otyan chi asiyu man-al-allakan un isun chi lappun ammula, ngim ha mansosomsomokyu, ikamayu otyan si somsomok chi laangsan.

2 Corinthians 1:12

Ichayawmi ya sigulachuwonmi si somsomokmi un cha losan un koonmi kan cha tagu, sinchumadlu kan chikayu, mampeɏkas losan un lappun litaɏu un lawwing. Ked chakampun un somsomok chi tagu lampeɏpuwan cha killingwami ti tiluɏungan Apudyus chikami gapu si kachegula.

2 Corinthians 11:14

Ked achi taku otyan maschaaw, ti ulay si Satalas ked makwa un mampeɏang un isun chi anghel Apudyus.

2 Corinthians 11:3

Ngim umogyatak ti maallilaw ked chi somsomokyu ya maawis kayu si sabyaliʼn tudtuchu ked man-awichenyu sipupusu ya mampeɏkas un ayatyu kan Kristu, un isun Eve un silikapan chi uɏog.

2 Corinthians 8:20

Ked an-allechenmi ta lappun mamabyasuɏ kan chikami mipanggop si in-ilonmi un mansimbi si allaʼn chakeɏ un tuɏung un laumung.

Philippians 2:15

taplu lappun lawwingyu ya lappun otyan ipabyasuɏn cha tagu kan chikayu un aalak Apudyus, ulay michochogga kayu kan cha tagu utla lubung un amod chi kilalawwingcha. Ti isuyu cha bituwon un silawancha cha tagu utla lubung.

Colossians 1:9

Ked inggan chi langngeɏanmi un lamati kayu, pin-ami illuwaluwan chikayu ta maammuwanyu ustuʼn kilalaing ya maawatanyu pion Apudyus para kan chikayu.

Colossians 4:5

Masapuɏʼn bibiɏuwonyu cha koonyu kan cha achipun mamati ya pasigyu ibyega mipanggop kan Jesu Kristu kan chicha.

1 Thessalonians 2:10

Intutullongyu ya ammun Apudyus cha ugalimi kan chikayuʼn mamati utlat, ti lappun lakabyasuɏanmi, ustu killingwami ya lappun lachillawanmi si sangwalanyuʼn mamati.

1 Thessalonians 5:22

ya man-awichenyu cha losan un lawwing.