Matthew 10:1 - Lubuagan Kalinga

¹ Lagamput ka hachi, ilayagen Jesus cha lasawaɏan si chuwaʼn disipulusla ot illidchela chicha si kalobbongan un mameɏyaw kan cha aɏan ya mangagas kan cha losan un kalasin cha sakit ya sigeb chi long-eg.

Matthew 10:1 ပူးပေါင်းရင်းမြစ်များ

Matthew 19:28

Ot kalan Jesus kan chicha, “Tuttuwa ibyegak kan chikayu, Sakon un Alak chi Tagu, lu chumtong chi man-Ariyak si baruʼn lubung, chikayu un lituntun-ud kan sakon mantugew kayu bo kan cha lasawaɏan si chuwaʼn trono un makaturay kan sakon. Ked chikayu manguis kan cha simpuɏu ya chuwaʼn galak Israel.

Matthew 26:20

Lummaschom pun, langkakakan cha Jesus ya cha simpuɏu ya chuwaʼn disipulusla.

Matthew 26:47

Sissiyan man-ugu-ugud si Jesus ot gummatong si Judas un osa kan cha simpuɏu ya chuwaʼn disipulusla. Litun-ud kan siya cha achuʼn taguʼn mampapadchin ya mampapang-ok. Imbuun cha ap-apun cha papachi ya cha pallakayon cha Judio.

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 6:13

Ya achim ipalubus un masulisug kami ta achi kami makabyasuɏ, ngim ilisim chikami si lawwing.’ ”

Matthew 9:35

Ot lilikwos Jesus cha ili-ili un lantudtuchu ud cha sinagoga. Imbyegbyegala Bibiɏuʼn chameg mipanggop si Mampangatan Apudyus ya pilalin-awala bo cha losan un kalasin cha saksakit cha tagu ya sigeb chi long-egcha.

Matthew 9:38

Ked manchawat kayu kan Apudyus un singkuwa kan cha maali ta mangibuun si achuʼn man-ali.”

Luke 10:19

Chongɏonyu! Illidchek chikayu si pallakabyelin un guschenyu uɏog ya geyyaman ya mangabyak si kabyeeɏan chi kabusuɏ. Lappun makwa kan chikayu.

Luke 21:15

Ti sakon chi mangatod kan chikayu si ibyegayu ya laingyu un achipun chi kabusuɏyu masongbyatan.

Luke 24:49

Ked ibuunku ingkarin Amak kan chikayu. Ngim masapuɏʼn iinggew kayu utla Jerusalem inggala awatonyu chi kilabyelin un lampeɏpuʼd langit.”

Luke 6:13

Labigat pun, ilayagela cha disipulusla ot chilutukala cha lasawaɏan si chuwa ot ngadlola chicha apostoles.

John 17:2

Ti illidchom kan sakon chi kalobbongan un manturay kan cha losan un tagu ta idchek si biyeg un mallalayun cha losan un impiyeɏm kan sakon.

John 3:27

Kalan John, “Lappun tagù makakopya si koola lu achipun Apudyus idchon kan siya.

John 3:35

Amod chi ayat Apudyus un Ama kan Jesus un Alakla ot impuɏangla cha losan kan siya.

John 6:70

Oli pun kalan Jesus kan chicha, “Sakon chi lamili kan chikayu un simpuɏu ya chuwa, ngim awed chi osa kan chikayu langkuwan Satalas!”

Acts 1:8

Ngim lu umali Ispiritun Apudyus kan chikayu, maidchen kayu si kilabyelin un mangibyegbyega kan cha tagu mipanggop kan sakon utla Jerusalem ya losan un ili ud Judea ya Samaria ya inggala si intilun chi lubung.”

Acts 19:15

Osaʼn eɏgew summongbyat chi aɏan kan chicha un kalala, “Ammuk si Jesus ya ammuk bo si Paul, ngim chikayu ngay, silu kayu?”

Revelation 12:1

Ot awed chi lampaila ud langit un patunged kaskaschaaw un sinyeɏ. Awed chi osaʼn byebyai un summisiked si buɏan, ya lasilupan si isun chi siling ilit, ya labyetukungan si korona un simpuɏu ya chuwaʼn bituwon.