Matthew 1:20 - Lubuagan Kalinga

²⁰ Si lalomsomsomkalad chi alla, kakma lampaila anghel Apudyus kan siya si in-ilop ot kalala, “Joseph, un galak Ari David, achika mangkossa un mangasawa kan Mary, ti halat un bugila ked mipagapu si kilabyelin chi Ispiritun Apudyus.

Matthew 1:20 ပူးပေါင်းရင်းမြစ်များ

Matthew 1:18

Kamatla kauguchen chi liyalakan Jesus un kalanchaʼn Kristu. Si Mary un ilala liyabyeyan kan Joseph ngim sakbyey un manchapatcha, ladlaw Mary un labugi siya mipagapu si kilabyelin chi Ispiritun Apudyus.

Matthew 2:12

Ot bilegbyegaan Apudyus chicha si in-ilop, ta achicha mangulin kan Herod. Ot lalligligchaʼn langulin ud ilicha.

Matthew 2:13

Ummoyon pun cha hachiʼn mangkalaing un tagu, lampaila anghel Apudyus kan Joseph si in-ilop ot kalala, “Bumangonka, itodchaklu cha man-ila ud Egypt ked inggew kayu udchi inggala ibyegak un mangulin kayu, ti impasngit Ari Herod chi alak ta ipaotoyla.”

Matthew 2:19

Latoy pun si Herod, kasin lampaila anghel Apudyus kan Joseph si in-ilop ud Egypt ot imbyegala kan siya,

Matthew 2:22

Ngim chingngeɏla pun un si Archelaus un alak Herod chi lanturay ud Judea, ummogyat un umoy udchi. Gapu ta lipain-ilop kan siya, ummoycha ud probinsiyan chi Galilee.

Matthew 27:19

Si ummaammuyan Pilate si tugew un manguisala kan cha tagu, lambuun si asawala si umoy mangibyega kan siya, “Achim bibiyangan chi taguʼn halat un lappun kabyasbyasuɏala, ti ilin-ilopku si labi un lapaligatalak gapu kan siya.”

Matthew 28:5

Ngim kalan chi anghel kan cha byebyai, “Achi kayu umogyat, ammuk un siya singsingtonyu si Jesus un lilansa si krus.

Luke 1:19

Ot summongbyat chi anghel, “Sakon si Gabriel un bubùulon Apudyus. Imbuulak kan siya un umoy mangibyega kan sika si allaʼn bibiɏuʼn chameg.

Luke 2:4

Ot si Joseph un iNazareth, si ili ud Galilee, ummoy lampalista ud Bethlehem un ili ud Judea ti siya liyalakan Ari David un apula.

Acts 5:19

Ngim si hachiʼn labi, ummoy chi anghel Apudyus ot inwalitla olob chi byabyayɏuchen ot illawala cha apostoles ot kalala kan chicha,

Revelation 19:7

Matetteɏok taku ya mangganggalas taku ya chaychayawon taku siya un kangatuwan! Ti si sala, gummatong chi timpuʼn mangkaseɏan chi Keɏlilu, ked lansasaggala hachiʼn asaw-ola,