Matthew 1:16 - Lubuagan Kalinga

¹⁶ Si Jacob chi aman Joseph, un asawan Mary un langiyalak kan Jesus un ngadloncha Kristu.

Matthew 1:16 ပူးပေါင်းရင်းမြစ်များ

Matthew 1:15

Si Eliud chi aman Eleazar ked si Eleazar chi aman Matthan ked si Matthan chi aman Jacob.

Matthew 16:16

Summongbyat si Simon Peter un kalala, “Sika Kristu, un Alak chi matattagu un Apudyus.”

Matthew 16:20

Oli pun bililin Jesus cha disipulusla ta achipuncha ibyegbyega si ulay siluʼn tagu un siya Kristu.

Matthew 2:13

Ummoyon pun cha hachiʼn mangkalaing un tagu, lampaila anghel Apudyus kan Joseph si in-ilop ot kalala, “Bumangonka, itodchaklu cha man-ila ud Egypt ked inggew kayu udchi inggala ibyegak un mangulin kayu, ti impasngit Ari Herod chi alak ta ipaotoyla.”

Matthew 27:17

Lachagup ked cha amod un tagu, ilimus Pilate kan chicha, “Silu pionyu un ibukatku? Si Jesus Barabbas willu si Jesus un ngadloncha Kristu?”

Matthew 27:22

Ot ilimus Pilate kan chicha, “Simman lù chi kook kan Jesus un ngadloncha Kristu?” Kalancha losan, “Ilansam si krus!”

Mark 6:3

Chakampun kamman un siya hachiʼn kalupinteɏ? Chakampun kamman un siya alak Mary ya sulud cha James, Joseph, Judas ya Simon? Chakampun kamman un alla cha byebyaiʼn suludla kan chitaku?” Ot achipuncha impotog siya.

Luke 1:27

Inggew chi ummoyla imbyega si osa un byebyeɏasang un mangngachen Mary un lappun lalagid kan siya si leɏaki. Si Mary libyegan asaw-on Joseph un galak Ari David.

Luke 2:48

Laschaaw bo cha amala kan ilala si intullongcha siya, ot kalan ilala, “Alakku, amod chi chalegmi kan amam un langlangngit kan sika. Puggey koon chi katchi kan chikami?”

Luke 2:7

Ngim lappun kuwetuʼn inggewancha si hachiʼn byeɏoy un chachaggusan. Ot ummoycha si igew cha ayam ot hachi ummalakala si panguɏuʼn leɏaki. Kilagoyala siya ot illiggala si atutung ti lappun kuwetu un inggewancha si hachiʼn byeɏoy un chachaggusan.

Luke 3:23

Si lallugiyan Jesus un lantudtuchu, umoy un tiɏumpuɏu tawonla. Ya ha somsomok cha tagu, ibilangcha siya un alak Joseph. Si Joseph, alak Heli,

Luke 4:22

Laslas-om cha losan kan siya, ot laschaawcha si kilabiɏun chi ilugudla. Ot kalancha, “Chakampun kamman un alak Joseph siya?” O, siya.

John 4:25

Ot kalan chi byebyai kan siya, “Ammuk un umali chi Messias un kalanchaʼn Kristu. Lu umali, ipakaawatla cha losan kan chitaku.”