Matthew 1:1 - Lubuagan Kalinga

¹ Allaya listaan cha lampeɏpuwan Jesu Kristu un galak Ari David ya galak bo Abraham.

Matthew 1:1 ပူးပေါင်းရင်းမြစ်များ

Matthew 1:18

Kamatla kauguchen chi liyalakan Jesus un kalanchaʼn Kristu. Si Mary un ilala liyabyeyan kan Joseph ngim sakbyey un manchapatcha, ladlaw Mary un labugi siya mipagapu si kilabyelin chi Ispiritun Apudyus.

Matthew 1:2

Si Abraham chi aman Isaac, ked si Isaac chi aman Jacob, ked si Jacob chi aman cha Judah ya cha susuludla.

Matthew 15:22

Ot inggew chi osaʼn byebyai un iCanaan un Gentil, un ummoy kan Jesus. Ot inyipkawla kalan un, “Apu, un galak David, kacheguwalak u! Ti patunged chi alakkuʼn byebyeɏasang tilotoman chi ligat ti laaɏan.”

Matthew 3:16

Lagamput pun labunyagen si Jesus, ummopwas siya si chelum, ot liwalit ud langit ot intullongla Ispiritun Apudyus un isun chi kalapati un lan-osog ot lansap-oy kan siya.

Matthew 9:27

Ummoyon si Jesus, ot si malidtidchaɏalala, tilun-ud cha chuwaʼn lakuɏap un ip-ipkawcha, “Galak David, kacheguwam u chikami!”

Luke 1:33

Siya man-Arin cha losan un galak Jacob si ing-inggala ya lappun alungus chi mampangatala.”

John 7:42

Ti liigili si ugud Apudyus un ha Kristu meɏpu si galak David ked miyalak ud Bethlehem un ilin Ari David.”

Acts 2:30

Ngim gapu ta osaʼn propeta siya, ammula ingkarin Apudyus kan siya un awed chi osaʼn galakla un man-Ariyon Apudyus un misagulud kan siya.

Romans 1:3

Hachiʼn bibiɏuʼn chameg ked mipanggop si Alaklaʼn Jesu Kristu un Apu taku un lambyalin tagu. Ha kilatatagula, ked liyalak un osaʼn galak Ari David,

Romans 4:13

Ingkarin Apudyus kan Abraham ya cha galakla un mallaksuncha lubung. Killingwala alla, chakampun un gapu si lalungpaɏan Abraham si lintog, ngim gapu ta lamati ked imbilang Apudyus siya lalintog.

Romans 9:5

Chicha bo galak cha mangkapotog un taguʼn Apudyus si awi. Ya chicha bo Judio un liyalakan Jesu Kristu. Si Apudyus un mangituray si losan. Machaychayaw otyan Siya si ing-inggala! Amen.

Galatians 3:16

Ked awed chi ingkarin Apudyus kan Abraham un awed chi osaʼn galakla un lumoswa. Ked maawatanyu otyan un chakampun un kalalaʼn iloswan cha achuʼn galakla, ti ha kalala, iloswan chi ossaan un galakla. Ked hachiʼn galakla, siya si Jesu Kristu.

1 Timothy 2:5

Ti ossaan si Apudyus ya ossaan bo mampatimpuyug kan cha tagu kan Apudyus, siya si Jesu Kristu un lambyalin tagu.

2 Timothy 2:8

Somsomkom si Jesu Kristu un ummuli latagu, un galak David. Siya bibiɏuʼn chameg un pin-ak ibyegbyega.

Revelation 22:16

Ot kalan bod Jesus, “Sakon si Jesus un langibuun si anghelku un mangibyega kan cha allaya kan chikayuʼn mamati un pin-a manchetchetong si kaili-ili. Mismuʼn galakak kan David, ya sakon bo kalanchaʼn Ambigaton.”