Mark 7:4 - Lubuagan Kalinga

⁴ Ya achipuncha bo kalon cha uchum un makan un mangin-an si mekit lu achipuncha ulaon byebyaɏan. Ked achu bo uchum un ugalin cha iyaawi un tuttuwaoncha, isun chi in-ilonchaʼn man-uɏas si byanga ya kanchilu ya mangkiwas si tasa ya chuyug.

Mark 7:4 ပူးပေါင်းရင်းမြစ်များ

Matthew 23:25

“Kadchegu kayu, chikayuʼn Pariseo ya mimistulun chi lintog. Aginpapati kayu! Peɏpeɏkasonyu lasin chi tasayu ya paklaanyu, ngim ha chaɏomcha, laplucha si ilaagum ya kilalosop.

Matthew 23:26

Tuttuwaʼn lakuɏap kayu, chikayuʼn Pariseo! Ulaonyu peɏkason chi chaɏom cha tasayu ya paklaanyu ta pumeɏkas bo lasinla.

Matthew 27:24

Ot intullong pun Pilate un lappun makwala, ngim lugiyanchaʼn manggulu, langaɏa si chelum ot lambiɏu si sangwalan cha amod un tagu ot kalala, “Lappun biyangku si mangtoyanyu si taguʼn alla. Kiged kayu gey!”

Mark 7:8

Lan-awichenyu bilin Apudyus ked siya popotpotanyu ugalin cha tagu.”

John 2:6

Ilinggew chi olom un bilatuʼn amutu si paway chi byeɏoy, un silliliman lataan si chelum. Hachi useɏon cha Judio lu kooncha ugalichaʼn mambiɏu.

John 3:25

Si lamingsan, lakasongsongbyat cha disipulus John si osaʼn Judio mipanggop si in-ilon un machuɏsan.

Hebrews 9:10

Cha allaʼn bilbilin mipanggop si makan, mailum ya cha kalasin chi in-ilon un manchiɏus si long-eg. Losan cha alla ked langinlasin un bilbilin un makwa inggala umali timpuʼn mamaliwan Apudyus si losa-losan.

James 4:8

Umachali kayu kan Apudyus, ot umachali bo kan chikayu. Chikayuʼn malagbyasuɏ, mambyabyawi kayu kan cha byasuɏyu ya peɏkasonyu cha somsomokyu. Ya chikayuʼn manchuwa-chuwa, man-ossaalonyu somsomokyu kan Apudyus.

1 John 1:7

Ngim lu iinggew taku si padcha un isun Apudyus, bibiɏu makatimpuyugen taku kan cha susulud takuʼn mamati ked machuɏsan taku kan cha losan un byasuɏ taku mipagapu si chaɏan Jesus un Alakla.